بەرەبەیانیی ئەمڕۆ سێشەم 28ی تشرینی یەكەم، بەهۆی خێراییەوە ئۆتۆمبێلێكی بێ سەرەتا، كۆنترۆڵ لە دەست دەدات و لەسەر شەقامی بازنەیی مەلیك مەحموود لە سلێمانی وەردەگەڕێت.
بەپێی زانیارییەكان، شۆفێر و دوو سەرنشین گیانیان لە دەست داوە.
بەپێی ئەو وێنەو ڤیدیۆیانە دەست "وشە" كەوتوون، لە نزیك رووداوەكە سەگێكیش لەسەر شەقامەكە كەوتووە و ئۆتۆمبێلەكە خۆی بەسەگەكەشدا كێشاوە.
شایەتحاڵێك دەڵێت، ئۆتۆمبێلەكە بێ سەرەتاییە و لە جۆری مارسیدسی قەمەرەیە، بە دیاریكراوی لە بەرانبەر نەخۆشخانەی شار رووداوەكە رووی داوە. ئۆتۆمبێلەكە بە خێراییەكی زۆر خۆی بە سەگێكدا كێشاوە و دواتر خۆی بە شۆستەدا كێشاوە."
ئەو كەسانەی گیانیان لە دەست داوە، تەمەنیان لە نێوان 25 بۆ 30 ساڵە و تەرمەكانیان براوەتە دادپزیشكیی سلێمانی.