ب مەرەما بهێزکرنا پێکڤە ژیانا ئولی و نەتەوەیی، خێرخوازەکی ئێزدی هاریکاریێن ماددی ل سەر 150 خێزان و قوتابیان ل خانکێ و فەیدیێ دابەشکرن.
دلگەش سەلیم، نوونەرێ وی خێرخوازی بۆ "وشە" گوت، ب مەرەما بهێزکرنا پێکڤە ژیانا ئولی و نەتەوەیی ل کوردستان و پارێزگەها دهوکێ و دەڤەرێ، خێرخواز دلمان حاکم نمرە وەکو پروژەکێ سالانە، ئەڤ سالە ژی بۆ جەژنا رەمەزانا پیروز رابوو ب دابەشکرنا هاریکاریێن ماددی ل سەر 150 خێزان و هندەک ژ قوتابیێن ل پشکێن نافخویی دژین ل سنورێ هەردوو ناحیێن فەیدیێ و خانکێ کو هەموو ئەو خێزان و قوتابیێن کو مفاداربووین ژ پروژەی ژ برایێن موسلمان بوون.
زێدەتر گوت، هەر ئێک ژ وان خێزان و قوتابیان ل سەر پیڤەرێ هەژاریێ هاتبوونە هەلبژارتن و حێزانێن دەستکورت بوون، ب بەرهەڤبوونا رێڤەبەرێن ناحیێن فەیدیێ و خانکێ و ماموستایێن ئولی یێن موسلمان و ئێزدی ئەو هاریکاری هاتنە دابەشکرن.
ناڤبری دیارکر ژی کو ئەڤە سالا سێ یێ یە لدیڤ ئێک ئەڤ پروژە ژلایێ وی خێرخوازی بۆ موسلمانان ل هەیڤا رەمەزانێ دهێتەکرن و گوتژی، ب گورەی شیان پڕوژە دێ بەردەوام بیت بو هندێ نموونا پێکڤە ژیانێ ب هێزتر بکەن ل دەڤەرێ
دهێتە زانین د پروژەی دا پتری 13 ملیون دینار هاتینە بەخشین، ژبلی موسلمانان ل دەم و جهێن جودا کارێن حێرخوازی بۆ پێکهاتەیێن دن ژی دکەت ب تایبەتی جڤاکێ ئێزدی.