مەسروور بارزانی پرسە و سەرەخۆشیی قووڵی خۆی ئاراستەی میری قەتەر، بنەماڵەی ئال سانی و گەلی ئەو وڵاتە دەكات.
ئەمڕۆ یەكشەم 12ـی تەمووز، مەسروور بارزانی سەرۆكی حكوومەتی هەرێمی كوردستان، لە پۆستێكدا لە تۆڕی كۆمەڵایەتیی "ئێكس" رای گەیاند، بە داخ و پەژارەیەكی زۆرەوە هەواڵی كۆچی دوایی میری باوك شێخ حەمەد بن خەلیفە ئال سانی (خوای گەورە لێی خۆش بێت)ـمان پێگەیشت.
سەرۆكی حكوومەت دەڵێت، لەم بۆنە خەمناكەدا، پرسە و سەرەخۆشیی قووڵی خۆمان ئاراستەی برامان شێخ تەمیم بن حەمەد ئال سانی میری دەوڵەتی قەتەر، بنەماڵەی بەڕێزی ئال سانی و گەلی برای قەتەری دەكەین.
لە بەشێكی تری پەیامەكەی سەرۆكی حكوومەتدا هاتووە، لە خوای گەورە داواكارین كۆچكردوو بخاتە بەر رەحمەتی فراوانی خۆی و بە بەهەشتی بەرینی شاد بكات، پاداشتی خێر و چاكەی هەموو ئەو خزمەتانەی بە وڵات و گەلەكەی پێشكەشی كردووە بداتەوە، سەبر و ئارامی بە خێزان و كەسوكار و گەلی بەڕێزی قەتەر ببەخشێت.