درەنگی یا شەڤا بوری زارویەک گەهشتە نەخوشخانا هیڤی یا زاروکان،ل دهۆکێ، وی زاروکی گلوپەک خوار بوو، نوژداران ژی بلەز نەشتەرگەریەکا دەگمەن بو ئەنجام دا و ئەو گلوپ د زکێ وی دا دەرئینا.
نزار بەکر، رێڤەبەرێ نەخوشخانا هیڤی یا زاروکانبۆ وشە گوت، درەنگی یا شەڤا بوری زاویەک ل قەزا ئاکرێ بلەز گەهاندە نەخوشخانەیا هیڤی یا زاروکان کو وی زاروکی گلوپەکا بچوک یا روناهێ خوار بوو، ب هەڤکاری ل گەل تیمەکێ نوژداران نەخوشخانا هیڤی شیا نەشتەرگەریەكێ ب ڕێیا دوربینێ یا دەگمەن بۆ وی زاروکی بکەن و وی گلوپی دەربنن.
زێدەتر گوت، ژیێ وی زارویەكی نێزیكی سالەكێ بو ب ناڤێ یوسف گولوپەك خاربوو، نەشتەرگەری ژی ب سەرپەرشتیا رێڤەبەرێ نەخوشخانا هیڤی و ب بەرهەڤبونا ئەمجد بریفکانی تایبەتمەندێ بێهوشکرنێ ب سەركەفتیانە هاته ئەنجامدان و ئەو زاروکە ژ مرنێ رزگاربوو.
گلوپ ژ نورێ بچوک بوو، کاریگەری لسەر ساخلەمیا وی زاروکی کربوو، نەچاربوو کو بلەز بگەهینن نەخوشخانێ.