ب مەرەما خزمەتکرنا کەرتێ ساخلەمیێ، ل دویڤ وێ یاداشتنامەیا د ناڤبەرا رێڤەبەرییا گشتی یا ساخلەمییا پارێزگەها دهۆکێ و رێکخراوا هیڤی یا ئیتالی دا، تیمەکێ نوژدارێن ئیتالی دێ هژمارەکا نەشتەرگەریێن زەحمەت ل دهۆکێ ئەنجام دەت.
مەتین جەمال، ژ راگەهاندنا رێڤەبەریا گشتی یا ساخلەمیا پارێزگەها دهۆکێ دڤی بیاڤی دا گوت، بەری چەند رۆژان تیمەکا ساخلەمیێ یا ئیتالی ژ نێزیک سەرەدانا رێڤەبەرییا گشتی ساخلەمییا پارێزگەها دهوکێ کر و چەندین نەشتەرگەریێن گرنگ ئەنجام دان دوارێ دلی دا.
زێدەتر گوت، تیمێ ناڤبری ل سەنتەرێ ئازادی یێ نشتەرگەری و نەخوشیێن دلی شیان چەندین نشتەرگەرییان بۆ زارۆکێن نەخوشیێن دلی ب سەرکەفتییانە ئەنجام بدەن کو هەموو ئەو نەشتەرگەری بوون کو ب زەحمەت دهێنەکرن.
ساخلەمیا گشتی یا دهوکێ دیارکر ژی کو تیمێن نوژداری یا ئیتالی 73 نەخۆشێن پێدڤی یێن دلی دیتن و رەوشا وان یا ساخلەمییێ هەلسەنگاند و ل روژێن بوری 19 نشتەرگەری وقەستەرێن دلی بۆ نەخۆشان ئەنجامدان، ژ وان نەخۆشان ژی 17 زارۆکێن نەخوشیێن دلی و زکماکی بون، دیارە نەشتەرگەریێن زاروکان یێن دلی ب زەحمەتن ژی.
دیڤ زانیاریێن ساخلەمیێ هەموو ئەو نەشتەرگەری بێ بەرامبەر بۆ نەخۆشخان هاتینەکرن، تیمێ ئیتالی دێ بەردەوام ژی بیت، پێشتر ژی چەندین جاران تیمێن ئیتالی ل دهوکێ خزمەتێن ساخلەمیێ بۆ کەرتێ ساخلەمیێ ل دهوکێ ئەنجام داینە.
دهوک، نەوزاد هلۆری: