تەندروستیی دڵ زۆر گرنگە و هەر كێشەیەكی دڵ مرۆڤ دەخاتە مەترسییەكی گەورە و مان و نەمانەوە، بۆیە پێویستە پارێزگاری لێ بكرێت،
د. دیمیتری یارانۆڤ یەكێك لە ناودارترین پزیشكانی دڵ لە ئەمەریكا باسی چەند جۆر دەرمانێك دەكات كە رەنگە مرۆڤ رۆژانە و زۆر پەنایان بۆ ببات، ئەوان بە تێپەڕبوونی كات بۆ تەندروستیی دڵ و لوولەكانی خوێن زیانبەخشن لەوانە:
*دژەهەوكردن، بەتایبەتی بۆ ئەوانەی كێشەی دڵ و بەرزیی پەستانی خوێنیان هەیە.
*دەرمانی چارەسەری كیمیایی، وەك چارەسەری شێرپەنجە، دۆكسۆرۆبیسین و ئەلتڕاستۆزۆماپ، بە تێپەڕبوونی كات ماسولكەی دڵ لاواز دەكەن و توانای پاڵنانی خوێنیان كەم دەكەنەوە.
* چالاككەرەكان، ئەوانە تێكڕای لێدانی دڵ خێرا دەكەن و پەستانی خوێن بەرز دەكەنەوە، بەتایبەتی ئەگەر ئەو كەسە خۆی كێشەی دڵی هەبێت، ناڕێكیی لێدانی دڵ و رارایی زیاد دەكەن.
*دەرمانی شەكرە، وەك رۆزیجلیتازۆن، دەكرێ ببنە هۆی زیادبوونی مەترسی تووشبوون بە پووكانەوەی دڵ.
*دەرمانی سەرمابوون و هەستیاری، وەك سودوایفیدرۆن، كە بۆ سووككردنی نیشانەكانی بەكار دێت و لوولەكانی خوێن تەسك دەكەنەوە، هاوكات دەبنە هۆی بەرزبوونەوەیەكی زۆری پەستانی خوێن و شێوانی سیستمی كاركردنی دڵ.
بۆیە پێویستە ئەو كەسانەی بەرزیی پەستانی خوێن یان كێشەی دڵیان هەیە، خۆیان لەو دەرمانانە بەدوور بگرن یان بێ راوێژی پزیشكی شارەزا بەكاریان نەهێنن.