له تاران دهستبهسهر سێ تۆن گۆشتی كهر و هێستردا گیرا كه له زهرفی تایبهتیدا ئاماده كرابوو، بڕیار بوو له ژێر ناوی گۆشتی بهستووی گۆلكی بهرازیلی ساغ بكرێتهوه.
زیاتر له پێنج ههزار ستیكهری تایبهتی، بۆ ئهو مهبهسته چاپ كرابوو و له كۆگهیهكی تایبهت به قوتووبهندكردنی گۆشت و بهرههمی خۆراكی ئامادهكاری بۆ خستنهڕووی بهرههمهكه دهكرا.
دوای پشكنینی گۆشتهكه، دهركهوتووه فڕی به گۆشتی گۆلكهوه نییه و سهرجهمی گۆشتی كهر یان هێستره، بهڵام خاوهنی كۆگهكه تۆمهتهكهی رهت كردووهتهوه و گوتوویهتی، ئهركی ئهوان تهنیا ئهوه بووه له زهرفی تایبهتیدا بیپێچنهوه.
یهكێك لهو هۆكارانهی وایكردووه گومانهكه زیاتر بێت، ئهو نرخهیه لهسهر گۆشتهكه دراوه و وا دیاره ههوڵ ههبووه به نرخێكی ههرزانتر بهخێرایی ساغ بكرێتهوه.
نرخی كیلۆیهك گۆشتی گۆلكی بهستووی بهرازیلی له ئێران 800 ههزار تمهنه، بهڵام گۆشتی خۆماڵی به ملیۆنێك و 200 ههزار تمهنه.
له پشكنین به تهواوی ئهوه سهلمێنراوه كه گۆشتهكه هی كهره، بۆیهش دۆسیهكه رادهستی دادگا كراوه و باس لهوه كراوه ئهوانهی له پشت ئهو تاوانهن، به توندی سزا دهدرێن.