پاچە یان سەروپێ خواردنێکی نەریتییە کە لە سەر و پێی ئاژەڵەکانی وەک مانگا، مەڕ، یان بزن ئامادە دەکرێت. بە تایبەتی لە کاتی کەشوهەوای سارددا بەهۆی کاریگەری گەرمکردنەوە و ڕێژەی وزەی زۆرەوە بەناوبانگە.
سەروپێ ڕێژەیەکی زۆر پرۆتینی تێدایە و زۆربەی پێکهاتەکانی کۆلاجینە، ڕێژەی چەوری مامناوەند تا بەرزە بەپێی سەرچاوەی ئاژەڵ، ڕێژەی کاربۆهیدرات زۆر کەم و کالۆری زۆرە. کانزاکانی وەک کالیسیۆم و فسفۆر و مەگنیسیۆم دابین دەکات .ڕێژەی بەرزی پرۆتین و چەوری گەرمی دروستکردن زیاد دەکات، یارمەتی جەستە دەدات گەرمی بپارێزێت. هەروەها وزەی درێژخایەن دابین دەکات، ئەمەش وایکردووە بۆ کەشوهەوای سارد گونجاو بێت.
پاچە چەوریی بەستوە یان نا ؟
پاچە چەوریی بەستوو نییە. بە شێوەیەکی سەرەکی پێست و شانە بەستەرەکان و ڕیشاڵەکان و ئیسقانەکان و بڕێکی کەم لە گۆشتی ماسولکە و هەندێک جار مۆخی ئێسک لەخۆدەگرێت. ئەم پێکهاتانە دەوڵەمەندن بە کۆلاجین و جەلاتین.
جیاوازیی نێوان ئاژەڵان
مانگا چەوری و کالۆری زیاترە. پێستی مەڕ چەوریی زیاتری هەیە و تامێکی بەهێزتری هەیە. پاچەی بزن لاوازترە و هەرسکردنی ئاسانترە. ڕێژەی کۆلاجین لە نێوان هەموویاندا هاوشێوەیە.
سوودە تەندروستییەکان
پشتگیریی تەندروستیی جومگەکان و لاستیکی پێست و ناوپۆشی ڕیخۆڵە و چاکبوونەوە دەکات دوای نەخۆشی. دەتوانێت سوودی هەبێت بۆ کەسانێک کە کەشیان کەمە یان چالاکیی جەستەیان زۆرە.
پێویستە کێ خۆی لە خواردنی بەدوور بگرێت
ئەو کەسانەی کە کۆلیسترۆڵیان بەرزە، نەخۆشیی دڵ، زراو، نەخۆشی چەوری جگەر، کێشەی هەرسکردن، یان ئەوانەی ئامانجیان دابەزاندنی کێشە، خۆیان بەدوور بگرن.
بەکارهێنانی پێشنیار کراو
بۆ کەسانی تەندروست، پێویستە هەفتەی 1یەک تا دوو جار بخورێت.
ئەنجام
سەروپێ خواردنێکی چڕ و پڕ لە ماددە خۆراکییەکان و دەوڵەمەندە بە کۆلاجین و گونجاوە بۆ خواردنی ناوبەناو بەتایبەت لە کەشوهەوای سارددا و بۆ پاراستنی تەندروستی وا باشە بە رێژەیەکی گونجاو بخورێت و زێدەڕۆیی لە خواردنیدا نەکرێت.
دکتۆر کاژین یونس باڵەک – پسپۆری خۆراکزانی و پارێزی