زۆر كەس بەدەست زیادی كێشی لەش و قەڵەوییەوە دەناڵێنن، ئەوان دەزانن لە رێگەی رێكخستنەوەی سیستمەكانی خۆراك و ژیان وەرزشكردن دەتوانن ئەوە بكەن، بەڵام بە كردەنی رەنگە نەتوانن، چونكە پێویستیی بە ماندووبوون و كۆڵنەدان هەیە، پزیشكێك باسی دەكات چۆن دەتوانی یەك كیلۆگرام لە چەوری لەش بسووتێنیت.
د. شالفا چۆرچۆمیا پسپۆڕی پزیشكیی وەرزشی دەڵێت، سووتاندنی یەك كیلۆگرام چەوری پێویستی بەوە هەیە لەش بگاتە ئاستێك كە 7700 كالۆری پێویست بێت، ئەوەش مانای وایە دەبێت ئەو كەسە لە نێوان 190 هەزار بۆ 200 هەزار هەنگاو ببڕێت، كە دەكاتە نزیكەی 140 كیلۆمەتر، بۆ گەیشتن بەو ئامانجە لە یەك رۆیشتندا.
روونی كردەوە، لەهەر هەنگاوێكدا مرۆڤ 0.04 كالۆری دەستووتێنێت، ئەو ژمارەیەش بەپێی كێش و درێژی و خێرایی رۆیشتن و سروشتی رێگاكە دەگۆڕێت، بۆ نموونە كەسێك كێشی لەشی 60 كیلۆگرام بێت، لە هەر هەزار هەنگاو لە 30 بۆ 35 كالۆری دەسووتێنێت، لەوكاتەی ئەگەر كەسێك كێشی لەشی 80 كیلۆگرام بێت، لە هەزار هەنگاو 40 بۆ 45 كالۆری دەسووتێنێت.
ئەو پزیشكە دووپاتی كردەوە كە تەنیا پشتبەستن بە رۆیشتن بۆ كەمكردنەوەی كێش زەحمەتە بێ رێكخستنەوەی سیستمی خواردنی رۆژانە، بەڵام رۆیشتنی رۆژانەی 10 هەزار هەنگاو رێگەیەكی زۆر باشە بۆ پاراستنی تەندروستی لەش، هاوكات ئامرازێكی ورد نییە بۆ لەدەستدانی كێش، كە بۆ ئەوەی پێویست بە رێكخستنەوەی سیستمی خۆراك و رۆیشتن و جووڵاتەوە هەیە.