ئه‌ڤرۆ ئێڤاری مه‌مه‌د مه‌ولود، كونسلێ گشتی یێ وه‌لاتێ توركیا ل هەرێما کوردستانێ كر، ژ نێزیک سەرەدانا هەردوو خێزانێن دهوکێ دا کو پێنج کەس ل مالێن وان ل مێردینێ ژلایێ چەند کەسان هاتنە شەهیدکرن.
ل دەستپێکێ پارێزگارێ دهۆکێ، د. عەلی تەتەر، پێشوازی ل ناڤبری کر، دهه‌ڤدیتنه‌كێ دا به‌حسێ تاوانا کۆ دناڤبه‌را باژێرێن نسێبینێ و مێردینێ ل هه‌مبه‌ر هاولاتیێن سڤیل یێن پارێزگه‌ها دهۆكێ هاتیه ئه‌نجامدان کر، کو بویه ئه‌گه‌رێ شه‌هیدبونا پێنچ هاولاتیێن بێگونه‌هـ وئه‌نجامێن دوماهیێ یێن ڤه‌كولینان ده‌رباره‌ی رودانانێ ب گشتی هاته كرن .
کونسولێ گشتیێ تورکیا ل هەرێما کوردستانێ د داخوانیەکێ دا دەربارەی روودانێ گوت، ئه‌م گه‌له‌ك ب خه‌م كه‌تین و ده‌زگه‌هێن په‌یوه‌ندیار چوار كه‌س ل سه‌ر كه‌یسێ گرتینه و ڤه‌كولینێن هوور ل سه‌ر تاوانبارا دهێنه كرن، پشتی ڤه‌كولینێ تاوانبار ل دووف یاسایێن توركیا دێ گه‌هنه سزایێ خو و یاسا وعه‌داله‌ت دێ جهێ خوە گریت و ب توندوترین شێوە دێ تاوانبار گەهنە سزایێ خوە.
رێکەفتی 19-1-2023ێ ل دەمژمێر نێزیکێ 12:00ێ ب شەڤ ل سەر رێیا مێردینێ پێنج وەلاتیێن دهۆکێ کو ژ دوو خێزانان بون ب دڕەندەترین شێوە ژلایێ چەند کەسان ب رێیا ترومبێلەکێ هاتنە گولەبارانکرن و شەهیدکرن، ئەڤێ روودانێ کارڤەدانێن نیڤدەولەتیل پەی خوە ئینان.