حەجی رێکانی، یارێزانێ لەشجوانیێ، کو خەلکێ پارێزگەها دهوکێ یە، ل سەر ئاستێ جیهانێ د قارەدانیا لەشجوانیێ دا، شیا باوەرناما لەشجوانیێ یا PRO CARD دەستخوڤە بینیت و بهێتە خەلاتکرن وەکو ئێکەم ل سەر ئاستێ جیهانێ.
حەجی ڕێکانی بۆ "وشە" گوت، سوپاس بو خودێ پشتی هەول و بزاڤێن زۆر مە شیاین پشکداری نووترین قارەمانیا لەشجوانی یا جیهانێ بین کو ل باژێرێ سلێمانیێ هاتبویە رێکخستن و هژمارەکا زۆر ژ یارێزانێن لەشجوانی یێن کوردستان و عیراق و نیڤدەولەتی پشکدارببون و ئەم د شیاین ئاستەکێ هەری باش پێشکێش بکەین).
زێدەتر گوت، دڤێ قارەمانیێ دا شیام پلا ئێکێ ل وەزنێ خوە و ل هەموو وەزنان ژی دەستخوڤە بینم ئانکو باوەرناما PRO CARD دەستخوڤە بینم و بهێمە خەلاتکرن وەکو باشترین یارێزانێ لەشجوانیێ ل ئاستێ جیهانێ، نوکە ل هەموو جیهانێ وەکو یارێزانەکێ باوەرپێکری و پێشەکار یێ لەشجوانیێ هاتمە دیارکرن، ئومێدەوارێن بشێن جارێن داهاتی پتر خزمەتا کوردستانێ و خەلکێ خوە بکەین، ئەڤ یەک ژی ئێک بوو ژ خەونێن من و گەهشتێ.
پێشتر ژی ناڤبری ل ئاستێ جیهانێ قارەدانیان دا پشکداربویە و شیایە ببیتە یێ ئێکێ.