نوژدارەکێ دهۆکێ بناڤێ د، نەوفەل رەشید د رێزبەندی یا سالانە ئێک ژ سایتێن نیڤدەولەتی، رێزا ئێکێ ل عیراقێ د چێکرنا ڤەکولینان دا دەستخوڤە ئینا، بڤێ یەکێ دبیتە ئێکەم کورد ل ڤی ئاستی دا.
ژێدەرەکێ ل راگەهاندنا ساخلەمیا پارێزگەها دهوکێ دیارکر کو ب گورەی رێزبەندیا وێبسایتا scientific index یا نیڤدەولەتی د.نوفل رشید حسێن، تایبەتمەندێ نەخۆشیێن ڤەگر ل باژێرێ دهۆکێ دبیتە باشترین ڤەکۆلەر د بوارێ نەخۆشیێن ڤەگر دا و ل رێزا ئێکێ دهێت ل سەر ئاستێ عیراقێ.
ب گورەی پێزانینان ئەو رێزبەندیە سالانە ژلایێ وی پێگەهێ نیڤدەولەتی دهێتە ئەنجامدان کو تایبەتە دوارێ نوژداری دا، جارا ئێکێ یە کوردەک دشێت ل رێزا ئێکێ بهێت.
دڤی بیاڤی دا د. عەلی تەتەر، پارێزگارێ دهوکێ پەیامەکا پیرۆزباهیێ ئاراستەی نوژدارێ ناڤبری کر و گوت، پر ژدل پیرۆزباهیی ل "د.نەوفەل محەمەد رەشید” کورێ پارێزگەها دهۆکێ دکەم کو لدویڤ وێبسایتێ Scientific index بوویە باشترین ڤەکۆلەڕ ل سهر ئاستێ عیراقێ د وارێ نهخۆشیێن ڤهگڕدا، داخوازا سەرکەفتنێ بۆ دکەین، هەر یێ سەرفەرازبیت.
دهێتە زانین ژبلی رێزبەندیا عیراقێ کو ناڤبری ل رێزا ئێکی هاتیە، هەڤدەم نوژدارێ ناڤبری ل و ل رێزبەندا 32 ل سهر ئاستێ كێشوهرێ ئاسیا و ل رێزبەندا 348 ل سهر ئاستێ جیهانێ ژی دهێت.
دهۆک، نەوزاد هلۆری: