ئاژانسی هەواڵی فرانس پرێس بڵاوی كردەوە كە دادگای باڵای نێودەوڵەتی تاوانەكان بڕیاری گرتنی بۆ ڤلادمێر پوتینی سەرۆكی رووسیا دەركردووە بەهۆی ئەنجامدانی تاوانی جەنگ لە ئۆكراینا.
ئەمڕۆ هەینی 17ی ئاداری 2023، دادگای باڵای تاوانەكان یاداشتی گرتنی لە دژی سەرۆكی رووسی ڤلادمێر پووتینی دەركرد و رای گەیاند كە ناوبراو تۆمەتبارە بە ئەنجامدانی تاوانەكانی جەنگ لە ئۆكراینا.
ئاماژەی بەوەیش كردووە كە بەڵگەی تەواو و پێویست لەبەردەستە بۆ دادگایی كردنی پوتین بەهۆی ئەوەی منداڵانی ئۆكراینی بەشێوەی نایاسایی گواستووەتەوە بۆ رووسیا.
لای خۆیەوە وەزارەتی دەرەوەی رووسیا لە بەیاننامەیەك دژی بڕیارەكەی دادگای باڵای نێودەوڵەتی هەڵوێستی راگەیاند و پێی وایە كە دەرچوونی فرمانی گرتن بۆ سەرۆكەكەیان هیچ بەهایەكی یاسایی نییە بۆ رووسیا.