موحسین عەزاوی كە هونەرمەندێكی گەورەی عێراقی و هاوكات پێشەنگی شانۆی عێراقی بووە، لە دوای ساڵانێك لە ململانێ لەگەڵ نەخۆشی، ئەمڕۆ لەلایەن خێزانەكەیەوە هەواڵی مردنی بڵاو كرایەوە.
پێگەی "
عەرەبیە" ئەمڕۆ یەكشەم حەوتی ئایار بڵاوی كردووەتەوە،م ئەم بەیانییە مردنی هونەرمەندی دەرهێنەر و ئەكتەر موحسین عەزاوی، لەڕێ تۆڕە كۆمەڵایەتییەكان و كوڕەكەی هونەرمەند سینان عەزاوی بڵاو كرایەوە، ئەو نووسیویەتی ماوەی 12 رۆژ بوو دۆخی تەندروستی بەیەكجاری تێكچووبوو و خۆری تەمەنی ئاوابوو.
موحسین عەزاوی كە لەدایكبووی 1939 و شاری ناسریەی باشووری عێراقە، لە تەمەنی 84 ساڵی كۆچی دوایی كرد.
ئەو هونەرمەندە خاوەنی بەرهەمهێنانی دەیان كاری هونەری لە شانۆ و درامایە، زیاتر وەك دەرهێنەر دەناسرێتەوە و لەگەڵیدا ئەكتەرێكی دیار بوو.
دەستپێكی كاركردن لە بوارە هونەرییەكەی عەزاوی بۆ ساڵی 1958 دەگەڕێتەوە، ئەویش وەك دەهێنەر كاری لەسەر بەرهەمی "گرتووخانەی ژمارە 16" كردووە، بەدوایدا زیاتر لە 70 شانۆی دەرهێناوە.