فەرماندەی هەپەگە و یەژاستار لە سنووری چیای بەستای، لەگەڵ شەش ژنی تر كوژرا، ئەوەیش دوای دوو ڕۆژ شەڕكردن و كەوتنە ناو بۆسەیەك.
ئەمڕۆ پێنجشەم 25ـی ئایار، میدیاكانی پەكە بڵاویان كردووەتەوە، هامیەت یاڵچین كایا ناسراو بە لەیلا سورخوێن فەرماندەی هەپەگە و یەژاستاری سەربە پەكەكە، لە چیای بەستا كوژرا.
باس لەوەش كراوە، ئەو ژنە ئەندامی كۆمیتەی ناوەندیی پەكەكە و ئەندامی مەجلیسی پژاك و ئەندامی دەستەی فەرماندەیی هەپەگە و یەژاستار بوو.
لەیلا سۆرخوێن 31 ساڵە لەناو پەكەكە و رێكخراوەكانی سەر بەو حزبە كاری كردووە، چەنداان پلەی باڵای هەبووە، لە 23ـی ئایار ئەمساڵ لە چیای بەستا لەگەڵ شەش هاوڕێی ژندا، دەكەونە بۆسەیەك و دەكوژرێن.
كوژرانی ئەو سەركردەیەكەی پەكەكە لە كاتێكدایە، لە ماوەی ئەم مانگەدا سێ سەركردەی تری ئەو چەكدارانە لە سنووری شنگال و قەندیل كوژراون.