ئەندامەکێ کومێتا ناڤەندی یا پارتی دیموکراتی کوردستان دیارکر کو هندەک حزبێن موزایەدەچی بوچی شونا 10%ێ یا داخوازا ڤەگەراندنا پاشەکەوتی وەکو پارتی داخوازا ڤەگەراندنا 100%ێ ناکەن.
عەلی عەونی، ئەندامێ کومێتا ناڤەندی یا پارتی دیموکراتی کوردستان و بەرپرسێ لقێ ئێکێ پارتی ل دهۆکێ دبێژیت، ئەم وەکو پارتی داخوازا زڤڕاندنا 100%ێ یا مووچەیێ کارمەندێن کوردستانێ دکەین، پێویستە حوکمەتا عێراقێ و حیزبێن موزایەدەچیێن کوردستانێ ب تنێ بۆ مزایەداتان و شەڕێ هەلبژادنان خالێن بێ ناڤەڕۆک نەئێخنە دناڤ یاسایا بوودجەیێ عێراقێدا .پێدڤی یە ل گەل نڤیسینێ، پارەی ژی بۆ تەرخان بکەن، دانانا خالا 10%ێ بێی دانا پارەی ب تنێ بۆ هاندانا خەلکێ یە ل دژی حوکمەتا هەرێما کوردستانێ.
زێدەتر گوت، حوکمەتا عێراقێ ژ سالا 2014ێ هەتا نوکە ئابلۆقە دانایە سەر هەرێما کوردستانێ و بوویە ئەگەر کو حوکمەت ب نەچاری مووچەی پاشەکەفت بکەت، دڤێت دور ژ موزایەدە و شەڕێ دەنگ کۆمکرنێ بۆ هەلبژاردنێن داهاتی، حوکمەتا بەغدا پارەیێ مووچەیێ خەلکێ ب تەمامی بهنێریت،. شەرمەکا مەزنە کو نوینەرێن حیزبێن دی ل سەر شاشەیێن تەلەفزیوونان درەوان دکەن ل دژی پارتی و حوکمەتا کوردستانێ، ئەو درەوان بۆ بەرژەوەندیا عێراقێ دکەن، بۆچی داخوازا 10%ێ دکەن و بوچی داخوازا 100%ێ یا مووچەی ناکەن، داخواز ناکەن بەغدا پارەی ژی زێدە بکەتە سەر پشکا میزانیا هەرێما کوردستانێ.