مەرەما دابینکرنا ماسیان بۆ هەموو پارێزگەها دهۆکێ و دەورۆبەران، مەزنترین پرۆژێ بەرهەمئینانا ماسیان ل کوردستانێ ل دهۆکێ دهێتە چێکرن.
ئەحمەد جەمیل، رێڤەبەرێ گشتیێ چاندنێ ل پارێزگەها دهۆکێ بۆ "وشە" گۆت، پرۆژێ بەرهەمئینانا ماسیان ل پارێزگەها دهۆکێ ئێک ژ پرۆژێن گرنگ و ستراتیژی یێ خۆدانکرن و بەرهەمئینانا ماسیایە ل کوردستانێ و دێ ل ساڵا 2023 دکەڤیتە کار و بەرهەمئینانێ.
زێدەتر گوت، پرۆژە ل ناحیا فەیدیێ یا سەر ب قەزا سێمێل ل سەر ئاڤا سکرێ مووسڵ ل سەر روبەرێ 150 دۆنەمێن ئەردی دهێتە دروست کرن و ژ 16 حەوزێن دوو دۆنەمی ل گەل ئاڤاکرنا هەلهێنەرا بەرهەمئینانا پەنجە ماسیا پێکدهێت، هەروەسا 20 قەفەسێن قەبارێ 30m و فرەهی 6m و ب کویراتیێ دناڤا سکری دا ژی تێدا هاتینە چێکرن، د شیاندایە بەرهەمێ ساڵانەیێ پرۆژێ د قۆناغا ئێکێ دا بگەهیتە هزار و 200 تەنێن ماسیان کو ئەڤ یەک ژی رێژەییەکا زۆرە و تێرا پێدڤی یا خەلکی بۆ خواستا ماسیان هەیە.
رێدیر سدقی، رێڤەبەرێ سامانێن ئاژەلی ل دهوکێ گوت، پرانیا کارێن پروژەی داوی هاتنە و ل نێزیک دێ کەڤیتە د خزمەتا وەلاتیان دا و ب تمامکرنا وێ دێ پێدڤیێن بازاڕێن نافخوە ب زێدەیی ڤە پرکەت..
ل سنورێ پارێزگەها دهۆکێ چەندین پرۆژێن خودانکرنا ماسیان یێن بچوک هەنە، بەلێ پشکەکا هەری زور یا دەستکەفتنا ماسیان ل پارێگەهێن دی یێن هەرێما کوردستانێ دهێنە دهوکێ.