کابینا نەهێ یا حکۆمەتا هەرێما کوردستانێ گرنگیەکا زور ب کەرتێ چاندنێ دایە و ئەڤە ژی بویە ئەگەر کەرتێ چاندنێ ل پارێزگەها دهۆکێ گەشەکا باش ب خوەڤە ببینیت،د چارچوڤێ گرنگی دان و پتر پێشخستنا ڤی کەرتی ژی گرنگیەکا زور ب پرۆژێن سامانێ ئاژەلی ژی هاتیە دان ژلایێ حکۆمەتا هەرێما کوردستانێ ڤە و پرۆژە بەرەڤ زێدەبونن.
رێدیر سدقی، ژ سامانێن ئاژەلی ل دهوکێ گوت، ژ وان پرۆژێن سامانێ ئاژەلی ژی یێن سەردەمێ کابینا نەهێ یا حکۆمەتا هەرێما کوردستانێ زێدەبوین پروژێن پەلەوەرێن گوشتی، د سالا 2019ێ دا 272 پرۆژەبوینە دنوکەدا 332 پرۆژەنە،پرۆژێن هێکێن خارنێ دوو پرۆژەبوینە و دنوکەدا 5 پرۆژەنە،دیسان پرۆژێن خودانکرما گولکان 11 و نوکەدا 29 پرۆژەنە.
زێدەتر گوت، ب رێیا کەرتێ وەبەرهێنانێ و وەبەرهێنەرا ژی ڤە دوو پرۆژێن مەزن و گرنگێن د قوناغێن بجهئینانێ دانە ژ وان پرۆژان ژی پرۆژێ خودانکرنا چێلێن شیری یە د قۆناغا ئێکێ دا سێ هزار سەرێن چێلا دێ خۆدان کەت و دشیان دایە رۆژانە 120 تەنێن شیری بەرهەم بینیت،ئەڤ پرۆژە ٨٠٪ تەمام بویە دەلیڤاکاری دێ بۆ دوو هزار و 500 کەسان دێ پەیداکەت، دیسان پرۆژێ ماسی قەفەس ژی ئێک ژوان پرۆژێن گرنگە یێن سامانێ ئاژەلی یێ دهیتە دوروستکرن و د سالەکێ دا شیانێن بەرهەمئینا هزار و 200 تەنێن گوشتی هەیە.