ب مەرەما ڤەدەركرنا ئاژەلێن بەرەلا و نەهێلانا مەترسیێ ل سەر ژیانا وەلاتیان، ئێك ژ مەزنترین پرۆژێن تایبەت بو ڤەحەواندنا ئاژەلێن بەرەلا ل دهۆكێ دهێتە چێكرن.
ئیسماعیل مستەفا، بەرپرسێ راگەهاندنێ ل سەڕۆكاتیا باژێرڤانییا دهۆكێ گوت، ب مەرەما ڤەدەركرنا ئاژەلێن بەرەلا و نەهێلانا مەترسیێ لسەر ژیانا ئەژەلان و مروڤان ژی، ئێك ژ مەزنترین پرۆژێن ڤەحەواندنا ئاژەلێن بەرەلا ل دهۆكێ دهێتە چێكرن.
زێدەتر گوت، پروژێ ڤەحەواندنا ئاژەلێن بەرەلا د قوناغا ئێكێ ل سەر روبەرێ 11 هزار مەترێن چوارگوشە دهێتە دروستكرن، روبەرێ ئاڤاهی 700م چوارگوشە، دیسان هەر دناڤ ئاڤاهی دا خزمەتگۆزاریێن رێك و باخچە هەنە و پرۆژە ژ حەفت ئاڤاهیان پێك دهێت هەر ئاڤاهیەك ژ بۆ كارەكێ جیاواز دهێتە بكار ئینان.
ناڤبری دیاركر ژی كو نوكە كار دقوناغا دانانا كاشی و دروستكرنا دیوارێ پالپشت دایە و گوتژی، رێژا ئەنجامدانا كاری ل پرۆژەی دا دگەهشتیە 60% و ل سەر بودجەیا حوكمەتا هەرێما كوردستانێ دهێتە چێكرن.
پرۆژە دكەڤیتە نێزیك كێڤلا ل دهۆكێ و پتری دوو كیلومەتر دورە ژ جهێ ئاكنجیونا مروڤان، جهەكێ سروشتی و چیایی یە.