ب بەرهەڤبونا هژماره‌كا فه‌رمانده و نونه‌رێن فه‌رماندێن له‌شكه‌ری و رێڤه‌به‌رو به‌رپرسێن داموده‌زگایێن حكومی و حزبی و كه‌سوكارێن شه‌هیدێن كوردستانێ، رێوره‌سمێن به‌لافكرنا په‌رتوكا " البيشمركة والمناضل مسعود البارزاني" یا پێشمه‌رگه و خه‌باتگێر مه‌سعود بارزانی " ژ نڤیسینا شه‌هید "رائید روكن, حه‌یده‌ر شه‌هی " هاتنه گێران.
د رێورسمێن بەلاڤکرنا پەرتوکێ دا، د. عەلی تەتەر، پارێزگارێ دهوكێ د په‌یڤه‌كێ دا سلاڤێن سه‌روك بارزانی گه‌هاندنه دایكا شه‌هیدی و ب درێژی به‌حسێ رولێ شه‌هید حه‌یده‌ر شه‌هی و قه‌هره‌مانیا وی و ناڤه‌روكا په‌رتوكا هاتیه چاپكرن كر و چوت، پشته‌ڤانیا خوە بو چاپكرنا هه‌مو په‌رتوكێن خزمه‌تا دوزا ره‌وایا گەلێ کوردستانێ دكه‌ن دوپات دکەین، باشترین وه‌فا بو شه‌هیدێن گیانفیدا ئه‌وه به‌رده‌وامیێ ب رێبازا وان بده‌ین و به‌رگریێ ژوان ده‌ستكه‌فتان بكه‌ین یێن شه‌هیدان ب خوینا خوە پاراستین.
خەولا شەهی، دایكا شه‌هیدی ل بارا بەلاڤکرنا پەرتوکا کورێ خوە یێ شەهید گوت، ئه‌م ده‌ستا ژ رێبازا كورد و كوردستانێ به‌رناده‌ین و زور سوپاسیا پارێزگارێ دهوكێ دکەین بۆ پشتەڤانیا وی.
په‌رتوكا ناڤبری دبیتە زنجیرا ٣٣ێ ژوه‌شانێن پارێزگه‌ها دهوكێ کو ب پشتەڤانیا دارایی یا پارێزگارێ دهوکێ و ب هەماهەنگی ل گەل رێڤەبەریا راگەهاندن و چاپ و بەلاڤكرنێ ل چاپخانا پارێزگەها دهۆکێ هاتیه چاپكرن و بەلاڤکرن