ئێستە مەسروور بارزانی، سەرۆكی حكوومەتی هەرێمی كوردستان لە ئیماراتە و بەشداری لە كارەكانی 11مین لووتكەی جیهانیی حكوومەتەكان دەكات، ئەمڕۆ دووشەم لە دوبەی هاوسەر و منداڵە بریندارەكانی شەهید پێشڕەو دزەیی بەسەر كردەوە، كە لە مووشەكبارانەكەی ناوەڕاستی مانگی رابردووی هەولێر بریندار بوون.
ئەمڕۆ دووشەم مەسروور بارزانی، سەرۆكی حكوومەتی هەرێمی كوردستان لە شاری دوبەی، سەردانی هاوسەر و منداڵە بریندارەكانی شەهید پێشرەو دزەیی كرد، كە لە رووداوی هێرشە مووشەكییەكەی هەولێر بریندار بووبوون.
لە سەردانەكەدا سەرۆكی حكوومەت لە نزیكەوە لە تەندروستی پرسین و هیوای چاكبوونەوەی خێرای بۆ خواستن.