لە هۆڵی میدیا لە شاری هەولێر، شانۆگەریی "ئەوەم بەسەر هاتییە" نمایش دەكرێت كە شانۆگەرییەكی كۆمیدییە و باس لە كێشەیەكی كۆمەڵایەتی دەكات.
شانۆگەریی "ئەوەم بەسەر هاتییە" لە ئامادەكردن و دەرهێنانی هیوا سوعادە، بڕیارە لە رۆژی چوارشەم 27ی ئادار، لە هۆڵی میدیا سەعات 9:30 خولەكی شەو نمایش دەكرێت.
شانۆگەرییەكە كە كۆمیدییە و چەند ئەكتەرێكی خاوەن ئەزموون لەوانە یوسف عوسمان و مام سەعید و عەلی عەبدولباقی و شەیما و شنیار ڕۆڵی تێدا دەبینن. شانۆكە باس لە كێشەیەكی كۆمەڵایەتی دەكات، كە لەسەر بیردۆزێكی دەروونی بنیات نراوە و بە شێوازێكی كۆمیدیانە نمایش دەكرێت.