سبەی لە كەركووك پشووی فەرمییە

:: PM:11:50:10/07/2024 ‌
بەهۆی پێشبینیی بەرزبوونەوەی لەرادەبەدەریی پلەكانی گەرماوە، سبەی لە كەركووك كرایە پشووی فەرمیی، ئەمەیش دوای ئەوەی لە 11 پارێزگای عێراق بەهۆی پێشبینییەكانی دەستەی كەشناسییەوە پشووی فەرمی راگەیەنرا. 

بەپێی راگەیەنراوێك لە ئیدارەی پارزگای كەركووكەوە، سبەی پێنجشەم لە تەواوی دام و دەزگاكانی پارێزگاكە پشووی فەرمییە، لە راگەیەنراوەكەدا ئاماژە بەوەیش كراوە كە پشووەكە فەرمانبەرانی دیوان و ئەنجوومەنی پارێزگا و زانكۆی كەركووك ناگرێتەوە. 

راگەیاندنی پشوو دوای ئەوە دێت كە هەر یەك لە پارێزگاكانی، نەجەف، دیوانییە، میسان، بەسرە، زیقار، موسەنا، بابل، واست و نەینەوا پشووییان راگەیاند بەهۆی گەرمای پێشبینیكراوی سبەیەوە.


وشە - پۆڵا مەحموود