وه‌زیری‌ دارایی‌: دۆسیه‌ی‌ فه‌رمانبه‌رانی‌ گرێبه‌ست ره‌وانه‌ی‌ ئه‌نجوومه‌نی‌ راژه‌ كراوه‌

:: PM:07:35:15/07/2024 ‌
ئاوات شێخ جه‌ناب وه‌زیری دارایی و ئابووری له‌گه‌ڵ نوێنه‌رانی فه‌رمانبه‌رانی گرێبه‌ست له‌ هه‌رێمی كوردستان كۆ بووه‌وه‌. 
 
به‌گوێره‌ی‌ راگه‌یه‌نراوێكی‌ وه‌زاره‌ته‌كه‌، وه‌زیری دارایی تیشكی خسته‌ سه‌ر هه‌وڵه‌كانی وه‌زاره‌ت و لیژنه‌ی باڵای ئه‌نجوومه‌نی وه‌زیران به‌مه‌به‌ستی گه‌ڵاڵه‌كردنی بڕیارێكی دروست له‌باره‌ی به‌هه‌میشه‌ییكردنی فه‌رمانبه‌رانی گرێبه‌ست له‌ ڕووی یاسایی و كارگێڕی و داراییه‌وه‌ پێكهێنراوه‌ تا بتوانن هاوشێوه‌ی فه‌رمانبه‌رانی هه‌میشه‌یی مافه‌كانیان پارێزراو بێت.

هه‌روه‌ها ئاماژه‌ی‌ بۆ ئه‌وه‌ كردووه‌، دۆسیه‌كه‌ ڕه‌وانه‌ی ئه‌نجوومه‌نی ڕاژه‌ كراوه‌ بۆ ئه‌وه‌ی ڕێكاره‌ هونه‌ری و ئیدارییه‌كان ته‌واو بكرێن.

ڕوونیشی كرده‌وه‌، وه‌ك وه‌زاره‌تی دارایی هه‌میشه‌ داكۆكیكار و پشتیوانی فه‌رمانبه‌رانی گرێبه‌ست بوونه‌ و له‌ماوه‌ی ڕابردووش هه‌رچی پێوه‌ست بووبێت به‌ وه‌زاره‌ته‌وه‌ كاری خۆیان له‌سه‌ر كردووه‌.

وه‌زیری‌ دارایی‌ و ئابووری‌ دووپاتی‌ له‌وه‌ كرده‌وه‌، له‌گه‌ڵ وه‌زاره‌تی دارایی حكوومه‌تی فیدراڵ و ئه‌نجوومه‌نی وه‌زیرانی هه‌رێمی كوردستان له‌سه‌ر هێڵن بۆ ته‌رخان كردنی دارایی و دیاریكردنی میلاكاتی پێویست له‌سه‌ر ئاستی وه‌زاره‌ت و داوده‌زگا پێوه‌ندیداره‌كان.



وشە - وشه‌