سوپای ئیسرائیل بە فەرمی كوشتنی فەرماندەی باڵی سەربازیی بزووتنەوەی حەماسی راگەیاند، ئەوەیش دوای مانەوەی بۆ 17 رۆژ بە برینداری.
ئەمڕۆ پێنجشەم یەكی ئاب، سوپای ئیسرائیل بە فەرمی كوشتنی "محەمەد زەیف"ی فەرماندەی باڵی سەربازیی بزووتنەوەی حەماسی راگەیاند.
راگەیاندنی كوشتنی فەرماندەی باڵی سەربازیی حەماس، پاش تێپەڕبوونی 17 ڕۆژ دێت لە بەئامانجگرتنی لە كەرتی غەزە و مانەوەی بە برینداری.
ئیسرائیل لە ناوچەی خان یونس ئەو هێرشەی كردووە و فەرماندەكەی حەماسی كردووەتە ئامانج.
بەرەبەیانیی دوێنێش ئیسرائیل لە تارانی پایتەختی ئێران، ئیسماعیل هەنییە سەرۆكی مەكتەبی سیاسیی حەماسی كوشت.