سوپای ئۆكرانیا كۆگایەكی لە ڕووسیا بۆردوومان كردووە، كە نزیكەی 400 فڕۆكەی بێفڕۆكەوانی جۆری شاهیدی دروستكراوی ئێرانی تێدابووە.
سوپای ئۆكراینا ڕای گەیاند، "هێزەكانیان هێرشیان كردووەتە سەر كۆگایەكی فڕۆكە بێفڕۆكەوانەكانی شاهید، كە دروستكراوی ئێرانن، نزیكەی 400 فڕۆكەی بێفڕۆكەوانی هێرشبەر هەبوون كە لەوێ هەڵگیراوبوون، لەو هێرشەدا تێكشكێنراون."
لەناوبردنی ئەو ژمارە فڕۆكە بێفڕۆكەوانە كە ڕووسیا لە هێرشكردنە سەر ئۆكراینا بەكاریان دەهێنێت، لە داهاتوودا كاریگەری لەسەر توانا سەربازییەكانی دەبێت.
شاهید، فڕۆكەیەكی بێفڕۆكەوانی ئێرانییە كە مۆسكۆ لە سەرەتای لەشكركێشییەكەی بۆ سەر ئۆكرانیا لە شوباتی 2022 بە شێوەیەكی بەرفراوان بەكاری هێناوە.