ئەو گوێدرێژەی كاراكتەری گوێدرێژەكەی فیلمی "شرێك"ی لەسەر دروست كرابوو و بە "كەرەقولە" ناسرابوو، لە تەمەنی 30 ساڵیدا لە یەكێك لە پاركەكانی كالیفۆرنیا مردار بووەوە.
پێری كە ناوی ئەو كەرە بوو لە ساڵی 1994 لە دایك بووە، تا تەمەنی 30 ساڵی لە پاركێكی كالیفۆرنیا چاودێری كراوە، ئەو گوێدرێژەی لە فیلمی "شرێك" كە لە ساڵی 2001 پەخش كرا و ڤۆیس ئۆڤەری لەلایەن ئێدی مۆرفی ئەكتەری بەناوبانگ بۆ كرا، لەسەر شێوەی ئەم گوێدرێژە دروست كرابوو.
فیلمی شرێك، باس لە چیرۆكی زەبەلاحێك دەكات كە ئاشقی كچی یەكێك لە پاشاكان دەبێت بەناوی فیۆنا كە هاوشێوەی خۆی، بەهۆی جادوویەكەوە دوای نیوەی شەو، شێوەی بۆ زەبەلاح دەگۆڕێت، یەكێك لە كاراكتەرە سەرەكییەكانی ئەم فیلمە، گوێدرێژێكە بەناوی (دۆنكی) كە رۆڵێكی دیار و جیاوازی لە ئەنیمەیشنەكەدا هەیە.