دەما چەند سالایە حالەتەکێ سەیر و جیاواز ل کومەلگەها سیریێ یا سەر ب ناحیا شێلادزێ دروست بویە، ئەو ژی گەنجەک هەردەمێ تەحینێ بخوت رەوشا وی یا ساخلەمی ب تمام تێکدچیت و سورک ل لەشێ و دوست دبیت و لەشێ وی دخوریێت، هندەک جارا دگەهیتە حالەتێ زکئێشان و بێهوشیێ، هەتا هاتیە وی رادەی کو هزر دکەن دێ مریت.
فەهمی رێکانی، ئەو گەنجە دبێژیت، دەمێ خودێ ئەز دایی من تەحین ب شێوەییەکێ ئاسایی دخوار و چ کاریگەری ل ساخلەمیا من نەدکر، بەلێ پشتی ئەز مەزن بوی، ئەڤە دەمێ چەند سالایە حالەتەکێ سەیر لدەف من پەیدا بویە دەمێ کو ئەز تەحینێ دخوم.
زێدەتر گۆت، هەردەمێ من تەحین خوار دکەڤمە درەوشەکا جیاواز یا ساخلەمیێ دا و سورک لەشێ من دهێت و زور دخوریێم و هەتا وی رادەیی هندەک جاران کاریگەری ل لەشێ من دکەت و زکئێشان رووددەت و چاڤ ل من تاری دبن.
ناڤبری دیارکر ژی کو ژبەر کارتێکرنێن خراپ یێن ساخلەمیێ یێن تەحینێ، ئەو هاتیە ئاگەهدارکرن ژلایێ نوژداران کو نابیت تەحینێ بخوت و گوتژی، تەحین ئێک ژ وان خوارنێن خوشە و ئەز زۆر حەژێ دکەم، بەلێ نەشێم بخوم، لەوا نوکە ناخوم، هەر چەندە دناڤ خەلکی بەلاڤبویە کو ئەگەر هەیە پێ بمرم ژی، بەلێ ئەڤ یەک ژلایێ نوژداران نەهاتیە دوپاتکرن، تنێ کاریگەریێن خراپ لسەر من دروست دکەت و ب ئێکجاری نەشێم بخوم.
شێلادزێ ئێک ژ مەزنترین ناحیێن سەر ب پارێزگەها دهوکێ یە و پتری 50 هزار کەس تێدا دژین، دەڤەر یا گۆنجایە بو گەشتوگۆزار و خودانکرنا تەرشوکەوالو هندەک جورێن چاندنێ.