توێژینەوەی واشنتن پۆست لەبارەی سابرین نیوزەوە.. مێژوو و ئامانجەكانی تۆڕەكە

راپۆرتی پەیمانگاكە بەم شێوەیە باسی "سابرین نیوز" دەكات

ناوی تۆڕ: "صابرین نیوز"

جۆری رێكخستن: رووكاری سەرەكی راگەیاندنی میلیشیاو گرووپە چەكدارەكانی عێراقە، لە سەرەتا تەنیا بابەتە پێوەندارەكی تایبەت بە "عەسائیبی ئەهلی حەق"ـی بڵاو كردووەتەوە، دواتر بووەتە پەنجەرەیەكی فراوانتر بۆ بڵاوكردنەوەی كاروچالاكییەكانی بەرەی مقاوەمە بەشێوەیەكی گشتی و لینكی راستەوخۆی لەگەڵ سوپای پاسدارانی ئێران هەیە و گشت ئەو هەواڵانەیش رووماڵ دەكات كە پێوەندارن بە چالاكییەكانی بەرەی مقاوەمە و هاوكات هەموو هەوڵێكیشی بریتییە لە لێدان و لاوازكردنی نەیارانی بەرەی مقاوەمە بە بڵاوكردنەوەی هەواڵەكانی تایبەت بەخۆی. 

مێژوو و ئامانجی "سابرین نیوز" 

سابرین نیوز، لە 11ی كانوونی دووەمی 2020 وەك كەناڵێكی بچووك لە تێلیگرام دەستی بەكارەكانی كرد، بەڵام لە كۆتاییەكانی ساڵی 2020 كەناڵەكە بووە یەكێك لە كاریگەرترین و پڕبینەرترین كەناڵی بەرەی مقاوەمە لە تۆڕە كۆمەڵایەتییەكان و لە كۆتاییەكانی ساڵی 2020 كەناڵەكە 310 هەزار بەشداری هەبوو لە تلگرام. 

ئامانجەكانی كەناڵی "سابرین نیوز"

- گرنگیدان بە كەیسی بەرەی مقاوەمە. 

- بڵاوكردنەوەی زانیاری ناڕاست بۆ سەرلێشێواندن كە ئامانجی سەرەكی بریتییە لە شێواندنی وێنای ئەو حكوومەتانەی بەرەی مقاوەمە بە دژی خۆیانی دەزانن. 

- بڵاوكردنەوەی دروشم دژی ئەمەریكا و ئیسرائیل و كاركردن لە پێناو بەربڵاوبوونەوەی دروشمەكان. 

- رووماڵكردن و هەوڵدانی دروستكردنی پشتگیری بۆ خۆپێشاندانەكان و جووڵانەوەكانی ناڕەزایی لەو شوێنانەی روودەدەن و حكوومەتی شوێنەكە بە نەیاری بەرەی مقاوەمە دەزانن. 

كەناڵەكانی سابرین نیوز

سابرین نیوز لە پلاتفۆڕمە جیاوازەكانی تێلگرام و ئێكس و فەیسبووك لاپەڕەی تایبەت بەخۆیان هەیە و لە ئایاری 2021 لە تێلیگرام چەنەڵێكی فارسیان كردووەتەوە و تا ئێستە بەردەوامە و 12 هەزار بەشداربووی هەیە. 

دوو چەنەڵی تری توركی و ئازەربایجانی كردەوە لە هەمان ساڵدا، بەڵام ئێستە چەنەڵەكان بەم دوو زمانە چالاك نین و راگیراون و چالاكییەكانی بەرەی مقاوەمە بڵاو ناكەنەوە. 

تۆڕی سابرین چەنەڵێكی تری هەیە لە تلگرام بە ناوی "سابرین بۆ توێژینەوە و شیكردنەوەی تەناهی - ئەمنی".

سەرچاوە: پەیمانگای واشنتن بۆ توێژینەوە.

وەرگێڕانی: وشە