سەرۆك بارزانی پەیامێكی بۆ جەژنی سەری ساڵی ئێزدییەكان بڵاو كردەوە و رای گەیاند، پێویستە كولتووری ئێزدییەكان پارێزگاری لێ بكرێت.
دەقی پەیامەكەی سەرۆك:
پەیاما سەرۆك بارزانی ب هەلكەفتا جەژنا سەرێ ساڵا ئاینێ ئێزیدیا
ب ناڤێ خودێ یێ مەزن و دلوڤان
ب هەلكەفتا هاتنا جەژنا سەرێ سالا ئێزیدیان، پیرۆزباهییەكا گەرم ل هەمی خوشك و برایێن ئێزیدی ل كوردستانێ و جیهانێ دكەم و هیڤیا خۆشی و ئارامییێ بۆ وان دخوازم.
هەر ب ڤێ هەلكەفتێ هیڤیخوازم دووماهی ب ژان و ئاوارەیی و وان نەهامەتیا بھێت كۆ ژلایێ تیرۆرست و نەحەزێن گەلێ مە ب سەر وان دا هاتیە سەپاندن و خوشك و برایێن ئێزیدی ب سەربەستی و ئازادی بزڤرنە لـ سەر جھـ و وارێ خوە و بۆ ڤێ چەندێ پێدڤیە هەمی لایەك هەڤكار بن كو كوردێن ئێزدی بخۆ بڕیارێ ل سەر چارەنڤیس و پاشەڕوژا خۆ بدەن و ماف و كەلتوور و نەریتێت وان بهێنە پاراستن و برینێت وان بهێنە سارێژ كرن.
هیڤیدارم هەمی جەژن و هەلكەفتێن هەوە ب شادی و ئارامی دەرباز ببن و هیڤیا ساڵەكا پڕ خێر و بەرەكەت و بمینن د خێر و خۆشیاندا.
مسعود بارزانی
15ی نیسانا 2025