ب مهرهما خزمهتكرنا زاروكان ب تایبهتی پشتی كو دهواما فهرمانگههان دهست پێ كری، داینگه و سهنتهرێن ئوتیزمێ ل ههرێما كوردستان و پارێزگهها دهۆكێ پشتی دوو ههیڤێن گرتنێ جارهكا دی، دێ هێنه ڤهركرن.
نایما عهلی رێڤهبهرا داینگهها شاد ل دهڤهرا ئامێدیێ بۆ "وشه" گۆت، راستهوخۆ پشتی جهژنا رهمهزانێ لدوڤ هندهك رێنمایێن نوو، ههموو داینگه و سهنتهرێن ئوتیزمێ ل سنوورێ پارێزگهها دهۆكێ دێ هێنه ڤهكرن و كهڤنه د خزمهتا وهلاتییان و زاروكێن وان دا.
نێزیكێ ههزار كهس دێ ڤهگهرن سهر كارێن خوه
زێدهتر گۆت "دنوكه دا داینگههان چوو قوتابی نهماینه و ههموو ڤهگهریاینه مالێن خوه، دبهرانبهردا داینگه كریێن ئاڤ و كارهبان ژی ددهت، ئهڤ یهك بویه ئهگهر كو بارگرانی بكهڤیته سهر داینگههان، پشتی جهژنێ دهما داینگه ڤهدبن جارهكا دی وهرگرتنا زاروك و قوتابیان دێ ژ سفرێ دهست پێ كهت، داینگههان چهندان كێشه و گرفت ههنه و دڤێت حكوومهت و جهێن شولهژێ هاریكارییا مه بكهن داكو ئهم ژی بشێن خزمهتا جڤاكی بكهین".
رێڤهبهرا داینگهها شاد دیاركر ژی كو كۆرۆنایێ كارتێكرنهكا زۆر ل داینگههان كریه و گۆت ژی، "90% ژ داینگههێن سنوورێ پارێزگهها دهۆكێ ژلایێ كهرتێ تایبهت دهێنه ب رێڤهبرن، ڤهبوونا وان دێ ب گورهی هندهك رێنمایێن نوو بیت ب تایبهتی ژ روویێ ساخلهمیێ و دڤێت ههموو پێرابوونێن ڤایرۆسا كۆرۆنایێ ل بهرچاڤ بهێنه وهرگرتن".
ل سنوورێ پارێزگهها دهۆكێ 47 داینگه و پێنج سهنتهرێن ئوتیزمێ ههنه و ههر ئێك ژ وان هژمارهكا زارۆكان تێدا دهێنه پهروهرده و پێگههاندن و فێركرن، ئهڤه زێدهباری پتری ههزار كهس وهك فهرمانبهر ل وان داینگه و سهنتهران بێ كار ماینه.