ددهما كێمتر ژ 24 دهمژمێرێن بووری ل سنوورێ پارێزگهها دهۆكێ، 52 كهس تووشی كۆرۆنایێ بووینه، كوما گشتی یا تووشبوویێن كۆرۆنایێ گههشتنه 91 كهسان، بهرپرسهكێ ساخلهمیێ ل دهۆكێ ددهت دیاركرن كو ل پارێزگهیا دهۆكێ تنێ 180 تهخت بو نهخۆشێن كۆرۆنایێ یهنه.
حهمزه رهزیكی بهرپرسێ راگهیاندنا رێڤهبهریا گشتیی یا ساخلهمیا پارێزگهیا دهۆكێ بۆ "وشه" گۆت، ددهما كێمتر ژ 24 دهمژمێرێن بووری ل سنوورێ پارێزگهیا دهۆكێ 52 كهس تووشی كۆرۆنایێ بووینه.
زێدهتر گۆت "ل سنوورێ پارێزگهیا دهۆكێ 180 تهخت بۆ چاڤدێریكرنا نهخۆشێن كۆۆنایێ یهنه، د حالهتێ بوونا تووشبوویێن زێدهتر دێ نهخۆشخانێن نورمال یێنه بكارئینان بو نهخۆشان، لهوا د نوكه دا پێدڤییه وهلاتی خوه بپارێزن داكو ژیانا وان نهكهڤیته د مهترسیێدا"
رهزیكی دیاركر ژی كو ئهو تووشبوویێن نوكه هاتینه توماركرن، ههمووان پشكداری د مێهڤاندارییهكا نانخوارنێ دا ل سهنتهرێ باژێرێ دهۆكێ دا كرییه و دناڤ دا تووشبوویهك ههبویه و ههموو تووش كرینه، ههتا نوكه ل وێ نانخوارنێ 52 كهس تووش بووینه.
ل سنوورێ پارێزگهها دهۆكێ نهخۆشخانا سوتن و جوانكارییان هاتییه تایبهتمهند كرن بۆ نهخۆشێن كۆرۆنایێ، دیسان نهخۆشخانهیهكا دی یا تایبهت ب كۆرۆنایێ ڤه ژلایێ كومپانیا كاڤین گرووپ هاتییه چێكرن، ئهڤه زێدهباری دروستكرنا نهخۆشخانهكا 100 تهختی ل دهڤهرا فهیدیێ بۆ نهخۆشێن كۆرۆنایێ بهلێ هێشتا تمام نهبوویه.
ل ههرێما كوردستانێ 849 كهس تووشی كۆرۆنایێ بووینه، 14 كهس ژ وان گیانێ خوه ژ دهست دایه، 434 كهس چاك بووینه و 401 كهس ژی لژێر چاڤدێریێ نه، ل پارێزگهها دهۆكێ 91 تووشبوو ههنه و 21 چاك بووینه و 70 تووشبوو ژی ل ژێرچاڤدێریێدانه.
دهۆك/ نهوزاد هلۆری