عادل عەبدولمەهدی سەرۆك وەزیرانی كاربەڕێكەری عێراق بەسەردانێك گەیشتە هەولێر و لە فڕۆكەخانە لەلایەن نێچیرڤان بارزانی سەرۆكی هەرێمی كوردستان پێشوازی لێ كرا.
چەند گەورە لێپسراوێكی هەرێمی كوردستان پێشوازیی لێ كرا
ئەمڕۆ شەموو 11ـی كانوونی دووەم، عادل عەبدولمەهدی سەرۆك وەزیرانی كاربەڕێكەری عێراق گەیشتە فڕۆكەخانەی هەولێر و لەلایەن نێچیرڤان بارزانی سەرۆكی هەرێمی كوردستان و قوباد تاڵەبانی جێگری سەرۆك وەزیران چەند گەورە لێپسراوێكی هەرێمی كوردستان پێشوازیی لێ كرا.
بڕیارە لە سەردانەكە گفتوگۆ بكرێت لەبارەی كێشەكانی نێوان هەرێم و بەغدا و كێشەی دەست لەكاركێشانەوەی سەرۆك وەزیرانی عێراق و چارەسەركردنی دیاریكردنی كەسێك بۆ ئەو پۆستە و گفتوگۆ لەبارەی دواین ڕووداوەكانی عێراق و ناوچەكە.
هاتنی سەرۆك وەزیرانی كاربەڕێكەری عێراق لە كاتێكدایە ئێستە عێراق بە دۆخێكی قووڵی سیاسی و تەناهی تێدەپەڕێت و چەندان ڕووداوی جۆراوجۆر لەو وڵاتە ڕوو دەدەن.
هەرێمی كوردستان لەو ڕووداوانەی لە عێراق ڕوو دەدەن بەشێوەیەكی بێلایەنانە خۆی بەدوور گرتووە و ئەوەیش بۆ پارێزگاری و دووركەوتنەوە لە شەڕی ناوچەكەیە.