مه‌ترسیا هه‌رفینێ‌ ل سه‌ر قشلا ئاكرێ‌ هه‌یه

:: AM:11:49:10/09/2020 ‌
ئاڤاهیێ‌ قشلا ئاكرێ‌ ئه‌ڤه‌ چه‌ندین ساله‌ كومپانیه‌كا ئیرانی هه‌رفاندیه‌ ژ بۆ مه‌ره‌ما نووژه‌نكرنێ‌ و هه‌تا نوکە ب وی شێوێ‌ هه‌رفاندی مایه‌، قشله‌ خراپترکریە و مه‌ترسیا هه‌رفینێ‌ و ژناڤچونێ‌ هەیە.

 یا ل سه‌ر ڤێ‌ قشلێ‌ هه‌ی، ب تایبه‌ت ئه‌و دیوارێ‌ دكه‌ڤیته‌ سه‌ر رێكا دناڤ بازاری دا به‌رده‌وام خه‌لكه‌ك زور ل وی جهی د روونن خار بۆ بۆرینا ده‌می و ڤه‌خارنا چایێ‌، ب تایبه‌ت ئیڤاریان جهه‌كێ‌ دلڤه‌كه‌ره‌ بۆ خه‌لكێ‌ ئاكرێ‌ و گه‌شتیارێن سه‌ره‌دانا ڤێ‌ قشلێ‌ دكه‌ن.

بلند ره‌زا زێباری، سه‌رۆكێ‌ باژێرڤانیا ئاكرێ‌ بۆ"وشە" دیار كر دناڤ نه‌خشه‌ی دا قشلا ئاكرێ‌ بویه‌ جهه‌كێ‌ شینواری وه‌كو ده‌ڤه‌ردار و باژێرڤانی مه‌ پێ باشه‌ ئه‌ڤ قشله‌ بهێت رۆخاندن، ژ به‌رکو جهه‌كێ‌ مه‌ترسیه‌ ل سەر ژیانا بۆ وه‌لاتیان، جهه‌كێ‌ شیوونواری ژی نینە ژبەرکو ب به‌رێت كه‌ڤنار نەهاتیە دروستکرن.

زێدەتر گۆت "بان و دیوارێن قشلا ئاکرێ ب ئاخێ‌ و چه‌ند مادێن دی هاتیه‌ دروست كرن، هه‌ر وه‌سا ل گه‌ل هنده‌ك ئاسنا یێن دناڤ دچن، ل سالا 2005 خاله‌كا سه‌ربازی دناڤ وێ‌ قشلێ‌ بۆ ژ ترسێن هه‌رفینا وێ‌ هه‌تا سپێدێ‌ نه‌ د نڤستن گه‌له‌ك جاران دیوارێن وێ‌ هه‌رفن و خه‌لك ژی لبن ڤه‌بویه‌، به‌لێ‌ رێڤه‌به‌ریا شینوارێن ئاكرێ‌ دبێژن ئه‌ڤه‌ خاله‌كا شیوونواری یا سه‌ره‌كی یه‌ و ئه‌م نه‌شێن لاده‌ین پێدڤی یه‌ جهێن شوله‌ژێ‌ بریارێ‌ ل سه‌ر لادانا وێ‌ بده‌ن و جهێن شوله‌ژێ‌  ژی ل گه‌ل وێ‌ چه‌ندێ‌ نینن بهێته‌ هه‌رفاندن"

قشلا ئاکرێ دکەڤیتە ناڤەندا بازاڕێ ئاکرێ و ئێکە ژ بناڤودەنگترین وستراتیجیترین جهان ل ئاکرێ و رێژەییەکا زورا خەلکی سەرەدانێ بۆ دکەن ب تایبەتی ل وەرزێ بهارێ و نەورۆزا ئاکرێ.

ئاکرێ/ نەوزاد هلۆری


وشە - نەوزاد هلۆری

ئه‌م بابه‌ته 194 جار خوێنراوه‌ته‌وه‌‌