ئهڤرۆ ساسان عهونى، وهزیرێ باژێرڤانیان وگهشت وگوزارێ یا حوكمهتا ههرێما كوردستانێ ژ نێزیك سهرهدانا پارێزگهها دهۆكێ كر، دكومبوونهكێ دا گوهداریا ههموو گل و گازندهیێن پارێزگههێ بو، پارێزگهها دهۆكێ هژمارهكا پرۆژێن دیاركرى بهرچاڤ كرن و خواست بكهڤنه دوارێ بجهكرنێ دا ژ وانان پرۆژێ ئاڤا ئاكرێ و پرۆژێ پاركا سێمێلێ.
وهزیرێ باژێرڤانى و گهشتوگۆزار یا حوكمهتا ههرێما كوردستانێ د دههڤدیتنهكێ دا كو ههرئێك ژ عهلى تهتهر، پارێزگارێ دهۆكێ و فههیم عبدوللا، سهروكێ جڤاتا پارێزگهها دهۆكێ و رێڤهبهرێ گشتیێ باژێرڤانیان و چهند رێڤهبهرێن پهیوهندیدار بهرههڤببوون، بهحس ل رهوشا فهرمانگههێن خزمهتگوزارى یێن سهر ب وهزارهتا باژێرڤانیان و گهشتوگوزارێ و ئهو خزمهتێن پێشكێش دكهن وپێدڤیێن خهلكێ دهڤهرێ ب پرۆژێن خزمهتگوزارى ب گشتى هاته كرن.
پارێزگهرێ دهۆكێ خوشحالیا خوه و خهلكێ پارێزگهها دهۆكێ ب سهرهدانێ دهربرى وگوت "چهند پرۆژێن خزمهتگوزارى یێن فهر و گریداى ب ژیانا روژانه یا خهلكێ پارێزگههێ ڤه ههنه و پێدڤى یه بلهز بهێنه چێكرن و دخوازین كو وهزیرێ باژێرڤانیان و گهشتوگوزارێ گرنگیێ پێ بدهت و بهێنه دورستكرن، ئهم وهكو پارێزگهها دهۆكێ ژى بهرههڤیا خوه نیشان ددهین بو ههر هاریكاریهكێ داكو پرۆژه بهێنه بجهئینان وبكهڤنه دخزمهتا هاولاتیان دا، مینا پرۆژێ ئاڤا ئاکرێ کو پرۆژەکێ ستراتیژی و گرنگە بۆ دەڤەرێ، ھەروەسا پرۆژێ پارکا ناڤا سەنتەرێ سێمێلێ و دخوازین کو پێداچوون د بابەتێ پۆلینکرنا پلەبەندیا باژێرڤانیان دا بەھێتە کرن"
ژلایێ خوڤه، ساسان عهونى، وهزیرێ باژێرڤانیان وگهشتوگوزارێ تهكهزكر كو ئهو هاتینه دا ژنێزیك پێدڤیێن خهلكێ پارێزگههێ و فهرمانگههێن سهر ب وهزارهتێ ڤه بزانن ویا دشیان دا بو ئهنجامدهن و دێ ژ نێزیك سهرهدانا چهند پرۆژان و فهرمانگههان ژى كهین و هایدارى رهوشا وان و چهوانیا بجهكرنا پرۆژه و خزمهتگۆزاریان بین بۆ وهلاتیان.