قهسرا مهلیكى ل ناوچهدارییا سهرسنك یا سهر ب پارێزگهها دهۆكێ ب ئێكهم قهسر و مهزنترین و گرنگترین قهسر ل كوردستانێ دهێته هژمارتن ل سهردهمێ خوه، ههتا نوكه ژى ماینه، د وهختهكێ دا ئهڤ قهسره پشتى هاتیه چولكرن بویه نهخۆشخانه و خزمهتا وهلاتیان تێدا دهاتهكرن، ئێك ژ دامهزرێنهرێن نهخۆشخانا ئهوێ قهسرێ چهند پێزانینان بۆ خواندهڤانێن وشه روون دكهت.
نیروان نورى بامهڕنى، دامهزرێنهرێ نهخۆشخانا ناڤا قهسرا مهلیكى ل سهرسنكێ بۆ "وشه" گۆت، ل سالا 1991 دما كو ب ملیونان كوردان قهستا توركیا و ئیرانێ كرى و پاشان زڤرین ڤه، ئهو دهما كو رژێما ئیرانێ ب چهكێ كێمیایى گهف ل خهلكى دكرن ب تایبهتى پشتى شهرێ كهنداڤى و دهرئێخستنا سهدامى ژ كوێتێ و سهرهلدانا خهلكێ ههرێما كوردستانێ لهوا هزر د هندێ دا هاتهكرن كو ئهڤ دهڤهره ببیته دهڤهرهكا گرنگ و پێدڤى ب یهكهییهكا ساخلهمیێ بوو.
زێدهتر گۆت "ل وى دهمى ئهز چومه وهلاتێ دانیمارك و داخواز ل وان كر كو نهخۆشخانهكى ل دهڤهرێ بهێته ڤهكرن، ب سوپاسیڤه ئهوان ئهڤ یهك قبولكر و پارێ پێدڤى بۆ چێكرنا نهخۆشخانهكا تهنگاڤیان ل كوردستانێ تهرخان كر، بهلێ ئهوان ژى هندهك مهرج ههبوون ژ گرنگترین وان مهرجان ژى دڤێت ل جههكێ دویرى رژێما عیراقێ بهێته چێكرن، دڤێت ل جههكێ ستراتیجى و ل ناڤهراستا جههكێ بیت كو خهلك گهلهك تێدا كوم ببن و رێیا هاتن و چوونێ یا ترومبێلا ههبیت، لهوا ل سهر پێشنیارا من سهرسنكێ هاته ههلبژارتن، ژبهركو ل وى دهمى چوو ئاڤاهى نهبوون كو نهخۆشخانێ تێدا بدانن چونكى نهخۆشخانه 200 تهخت بوو و ژورێن چارهسهركرن و تهنگاڤیان و رێڤهبهرى و چهندین پشكنێن دى بخوڤه دگرتن، من داخواز ل بهرهیێ كوردستانێ كر كو قهسرا مهلیكى ل سهرسنكێ بو ڤێ یهكێ بكاربینین چونكى ههموو مهرجێن وان تێدا ههبوون و دهڤهرهكا گرنگ و ئاڤهدان و سترایجى و بهفرهه بوو و ههموو رێێن وێ د ڤهكرى و قێركرى بوون، لهوا بهرهیێ كوردستانێ ل سهر ڤێ یهكێ رازى بوون و ئهو هژمارا خهلكێ دناڤ قهسرێ دا ڤهگوهاستنه جههكێ دى، رێكخراوا كاریتاس یا دانیماركى وهكو ههڤكارى دناڤبهرا مه و دانیمارك كاركر و قهسر هاته نوژهنكرن و بویه نهخۆشخانه"
ل بارا مفایێن بوونا قهسرا مهلكى وهكو نهخۆشخانه، ناڤبرى گۆت "ل ناوچهدارییا سهرسنكێ گهلهك قهسر و هاڤینگههێن مهلیكا ههبوون كو ل سهر دهمێ رژێما بهعس هاتبونه ئاڤاكرن ناساندنهكا باشتر دایه وان قهسران، دیسان نوژهنكرنا قهسرا مهلیكى و بوون ب نهخۆشخانه بویه ئهگهر كو قهسر بمینیت و نههێته ههرفراندن ژبهركو ههموو ئهو قهسرێن دى یێن نێزیكێ قهسرا مهلیكى ژ ئهگهرێ پشتگوه هاڤێتنێ هاتنه خراپكرن و پشتگوه هاڤێتن"
ههر ژ زاروكینى من حهژ ژ قهسرا مهلیكى دكر ژبهركو جوان و رێك و پێك ب ئهندازیاریییهكا شارستانى هاتیه چێكرن و دكهڤیته بن چیایێ گارهى و جههكێ خوش و گهشتوگۆزارى یه و كهسوكارێن من ل سهر وێ قهسرێ كار كریه و نوژهنكرنا وێ ژى بو من بویه ناڤهك و ههتا دانیماركیا ژى دگوت نیروانى قهسرا مهلیكى یا نوژهنكرى، بهلێ جهێ داخێ یه پشتى نهخۆشخانه نهمایه تێڤه، چهندین كاڤلكارى ل سهر دهێنه دیتن، نیروانى هوسا گۆت.
قهسرا مهلیكى نوكه بویه مولكێ پاشایێ ئوردنێ و دهرگههێن وێ هاتینه گرتن، رۆژ بۆ رۆژێ سهر و سیمایێ وێ كهڤن دبیت و كارتێكرن ل سهر دهێنهكرن، ئهگهر بهێته نوژهنكرن جاركا دى، دێ سیمایهكێ جوان دهته دهڤهرێ و ناڤودهنگیێن وێ.