وەلاتێ ئەلمانیا ب رێیا قونسلگەریا خوە ل هەرێما کوردستانێ، هژمارەکا کەلوپەلێن ساخلەمیێ پێشکێشی کەرتێ ساخلەمێ ل پارێزگەها دهۆکێ کرن، دڤی بیاڤی دا گرێبەستەک ژی هاتە ئیمزاکرن و بریارە بۆ دەما سێ هەیڤان ئەڤ جورێ هاریکاریان بەردەوام بیت.
حەمزە رەزیکی، بەرپرسێ راگەهاندنا رێڤەبەرییا گشتی یا ساخەمیا پارێزگەها دهۆکێ بۆ "وشە" گوت، ئەڤرۆ سپێدێ گرێبەستەک بۆ دابینکرنا هژمارەکا کەلوپەلێن ساخلەمیێ دناڤبەر ساخلەمیا دهۆکێ و کونسولخانا ئەلمانیا هاتە ئیمزاکرن.
گوت ژی، گرێبەست ب ئامادەبوونا کونسولێ ئەلمانیا ل بارەگایێ ساخلەمیا دهۆکێ هاتە ئیمزاکرن، بو دابینکرنا هژارەکا کەلوپەلێن ساخلەمیێ بۆ وێ یەکێ زێدەتر خزمەتا ختلکێ پارێزگەهێ بهێتەکرن ب تایبەتی دوارێ خوە پاراستنێ دا.
کەلوپەل ژلایێ رێکخراوا مێدیکا موندیلا ب هەڤکاری و پشتەڤانیا دارایی یا ئەلمانیا بوویە و دێ بۆ دەما سێ هەیڤان ئەڤ هاریکاریە ل سەر کەرتێ ساخلەمیا دهۆکێ هێنە دابەشکرن.