ژ ئه‌گه‌رێ ڤایرۆسا كۆرۆنایێ ده‌ما 11 هه‌یڤایه ده‌رگه‌هێ ده‌روازا سه‌ر زێڕى دناڤبه‌را ده‌ڤه‌ردارییا ئامێدیێ و باكوورێ كوردستانێ هاتیه گرتن، ئه‌ڤرۆ جاره‌كا دى هه‌مبه‌رى گه‌شتیاران و بازرگانیا سنوودار هاته ڤه‌كرن.
ژێده‌ره‌كێ ل ده‌روازا سه‌ر زێرى بۆ "وشه" گۆت، ئه‌ڤرۆ دێ ده‌روازا سنوورى یا سه‌ر زێرى دناڤبه‌را ده‌ڤه‌ردارییا ئامێدیێ و باكوورێ كوردستانێ هێته ڤه‌كرن.
زێده‌تر گۆت، ئه‌ڤه دورێن 11 هه‌یڤه هاتیه گرتن ژیێ حوكمه‌تا هه‌رێما كوردستان و حوكمه‌تا توركیا ئه‌و ژى ژ ئه‌گه‌رێ كۆرۆنایێ بوو، به‌لێ پێخه‌مه‌ت به‌رژه‌وندیا گشتى و وه‌لاتیان جاره‌كا دى هاته ڤه‌كرن"
بریارا ڤه‌كرنا ده‌رگه‌هێ سه‌ر زێڕى دده‌مه‌كێ دایه كو رۆژا پێنجشه‌مبا بورى 18ێ شوبات 2021ێ وه‌زاره‌تا نافخوه یا حوكمه‌تا هه‌رێما كوردستانێ ب رێیا نڤیساره‌كێ ب هژمارا شه‌ش بریار دا كو ده‌روازا سه‌ر زێڕى بهێته ڤه‌كرن هه‌مبه‌رى وه‌لاتیان.
ده‌روازا سه‌ر زێڕى دكه‌ڤیته دناڤبه‌را هه‌رێما كوردستان و باكوورێ كوردستانێ ل سنوورێ ناوچه‌دارییا كانى ماسێ، رۆژانه نێزیكێ 700 كه‌سان هاتن و چونێ تێدا دكه‌ن، كو پشكه‌ك ژ وان بارزگانیا سنوودار دكه‌ن و ئه‌وێن دن ژى گه‌شتیار و سه‌ره‌دانێن جڤاكى و ساخله‌مى بخوڤه دگرن.