ئه‌حمه‌د حەداد كو ئێكه ژ وه‌لاتیێن ده‌ڤه‌ردارییا شنگالێ و نوكه ل كومه‌لگه‌ها خانكێ یا گرێداى ده‌ڤه‌ردارییا سێمێلێ دژیت، ب هەڤکاری ل گەل سەرۆکاتیا باژێرڤانیا خانکێ رابوو ب چێکرنا دەرگەهێ پێشوازیێ ل خانکێ وه‌كو هێمایه‌ك بۆ ده‌ڤه‌رێ.
ناڤبرى بۆ "وشه" گۆت، بۆ دەمێ چەند سالایە ئه‌ز ل كومه‌لگه‌ها خانکێ دژیم من فەر دیت وەکە رێزگرتنەک ژ بۆ خەلکێ خانکێ و حوکمەتا هەرێما کوردستانێ ژى هێمایه‌كێ بۆ ده‌ڤه‌رێ دروست بكه‌م كو پێكدهێت ژ ئالایێ کوردستانێ و كه‌رسته‌یێ ئاسنی هاتیە چێکرن.
زێده‌تر گۆت، نوكه ئه‌ڤ ئالایه ل ده‌روازێ سه‌ره‌كى یێ چونا ناڤا خانكێ هاتیه دانان، ده‌ما دزڤرم شنگالێ ب هه‌مان شێوه دێ ل شنگالێ ژى دروست كه‌م.