دهما 45 سالابه ژ ئهگهرێ شهرێن عیراقێ و شهر و ئالوزیێن دناڤبهرا توركیا و پهكهكێ پتری 250 گوندێن دهڤهرا ئامێدیێ هاتینه چولكرن و خهلك نهشێت ڤهگهرێت سهر گوندهوارێن خوه كو هزاران دهلیڤێن كاری تێدا ههنه.
مێهڤان بێزهلی، وهلاتیهكێ شێلادزێ یه دیاركر كو ئهڤه ل سالا 1976ێ شێلادزێ هاتیه دامهزراندن و ههتا نوكه ئهوان نهشیایه مفای ل گوندهوارێن خوه وهربگرن و گۆت، ژبهر شهر و ئالوزیێن دناڤبهرا توركیا و پهكهكێ و پیشتر ژی ژبهر رژێما بهعس حوكمهتا ههرێما كوردستانێ نهشیایه پشتهڤانی بۆ كهرتێ گهشتوگۆزاری و سهخبێری و پاراستن و چێكرنا وان دهڤهران بكهت و خزمهتگۆزاریێن وهكو كارهب و ئاڤ و هێلێن پهیوهندی و جادده و ههتا دوماهیێ نینن، ههڤدهم نهبوونا ئارامی و ئهمن و ئاسایشهكا جێگر بۆ پشكهك ژ دهڤهرا شێلادزێ ب تایبهتی بۆ دهڤهرێن نێروهورێكان و دوسكی ژوری، شێلادزێ كریه د كهرهنیتهكا ئهمنی دا و ژبلی جاددا سهرهكی نهشێن دهركهڤن و مفای ل سرۆشت و دهشت و چیا و رووبارێن خوه وهربگرن.
زێدهتر گۆت، ئهگهر دهڤهر بهێته ئارامكرن، دێ هزاران دهلیڤێن كاری بۆ گهنجان هانێنه بهردهستكرن، كو ژ ئهگهرا نهبونا كاری و داگیركرنا وان گوندان خهلكهكێ زۆر قهستا ژ دهرڤه كریه.
جهێ داخێ یه ژبهر نه ئارامیێ ل گوندهوارێن سنوری چوو خزمهتگۆزاری نینه
ئهحمهد شامكی، وهكو ئێك ژ چالاكڤانێن ل دهڤهرا ئامێدیێ ل سهر بابهتی بۆ گۆت، ئامێدیێ ب گشتی ئێكه ژ وان دهڤهرێن ههری بناڤ و دهنگ بۆ ههبوونا سهدان جهێن گهشتوگۆزاریێن خوش و گرنگ، بهلێ جهێ داخێ یه ژبهر نه ئارامیێ ل گوندهوارێن سنوری چوو خزمهتگۆزاری نینه، ئهڤ یهك بویه ئهگهر كو كارتێكرنهكا نهرێنی ل سهر رهوشا ژیانا وهلاتیان بهێتهكرن، ژبهركو ژبلی كهرتێ گهشتوگۆزاری، وهلاتی نهشێن چاندنێ بكهن و تهشوكهوالی ژی ب خودان بكهن و بچنه ناڤا رهز و بیستان و چیایێن خوه و كهرستهیێن جودا بفروشن.
دهڤهرا ئامێدیێ ب گشتی پێكدهێت ژ نێزیكێ 450 گوندان، نیڤا وان نوكه نههاتینه ئاڤاكرن و ب چولكری ماینه، ئهڤه بویه ئهگهر كو مهترسیا گیانی ل سهر وان كهسان پهیدا بیت كو دخوازن قهستا وان گوندان بكه نبۆ مهرهما چاندن و دهسڤه ئینانا داهاتهكێ ل گوندهوارێن خوه.