ئاسایشا دهۆکێ هەڤکاری ل گەل پولیس و ساخلەمیا دهۆکێ، دەست ب سەر دەرمانخانەکا دهۆکێ دا گرت کو رێژەییەکا زور یا دەرمانێن قەدەغەکری و نە دەستورداری کوگەهکربوون بۆ هندێ بفروشن وەلاتیان.
ژێدەرەکێ ل ئاسایشا دهۆکێ بۆ "وشە" گوت، پشتی پێزانین گەهشتینە وان ل سەر ئینانا دەرمانێن قەچاغ و نەدەستووردای ژلایێ خودانێ دەرمانخانەکێ ل دهۆکێ و کوگەهکرنا وان ل ئاڤاهیەکی ب مەرەما فرۆتنا وان، تیمێن وان ب هەڤکاریا رێڤەبەریا پۆلیسێن دهۆکێ و KMC ب فەرمانا دادوەرێ ڤەکۆلینێ دووڤچوونا ئاڤاهی کرن و ئەو دەرمانێن نەدەستووردای هاتنە گرتن.
زێدەتر گوت، زێدەباری دەست ب سەرگرتنا دەرمانێن نە دەستورداری و قەدەغە، هەڤدەم ـەو کەسێ ئەڤ کارە ژی ئەنجامدای هاتیە دەستەسەکرن و بەرێن ڤەکۆلینێ هاتینە دەستپێکرن بو هندێ ب گورەی یاسا سەرەدەری ل گەل بهێتەکرن.
پێشتر ژی چەندین جارا ئاسایسا دهۆکێ دەرمانێن نە دەستورداری و قەدەغەکری گرتینە ب تایبەتی ل بازگەهێن دناڤبەرا هەرێما کوردستان و عیراقێ و تورکیا.