ده‌مه‌كێ كێم به‌ری نوكه دناڤ داوه‌ته‌كێ دا ل ناحیا رزگاری یا سه‌ر ب قه‌زا سێمێل شه‌ر روویدا، دیڤ زانیاریان كوشتی و بریندار هه‌نه.
ژێده‌ره‌كێ هایدار ل روودانێ بو "وشه" گوت، ئه‌ڤڕۆ ئێڤاری دناڤ داوه‌ته‌كێ دا ل ناحیا رزگاری یا سه‌ر ب قه‌زا سێمێل شه‌ر دناڤبه‌را چه‌ند كه‌سان دا رویدا.
زێده‌ت گۆت، ب ئه‌گه‌رێ ئه‌وی شه‌ری كه‌سه‌ك هاتیه كوشتن و دو كه‌س ژی برینداربوینه، بریندار هاتینه ره‌وانه‌كرن بۆ نه‌خوشخانێ و شه‌ر ژی هاتیه كونترولكرن و خه‌لك ژی چوینه مالێن خوه.
ژێده‌ری دیاركر ژی كو داوه‌ت ل ده‌رڤه‌یێ هوڵ شه‌هیانان بو و دناڤ سروشتێ ده‌ڤه‌رێ دا بویه و گوت ژی، داوه‌ت یا خێزانه‌كا قه‌ره‌چ بو و ئه‌وین شه‌ر ژی كری هه‌ر قه‌ره‌چ بون.
دیڤ زانیاریا ته‌رمێ وی كه‌سێ هاتیه كوشتن، هاتیه ره‌وانه‌كرن بو نوژداریا داد ل دهوكێ.