ب مەرەما خزمەتکرنا وەلاتیان و دابینکرنا پرۆژێن خزمەتگوزاری، ل سەر راسپاردێن مەسروور بارزانی، 14 پرۆژێن نوو دێ ل سێمێلێ درۆست کەت
ملەت عسمەت، سکرتێرێ روژنامەڤانیێ پارێزگارێ دهۆکێ دیارکر کو پشتی گەهشتنا داخوازیێن لایەنێن پەیوەندیدار یێن حزبی و حکومی سەبارەت قەزا سێمێلێ ب راسپاردەیا مەسرور بارزانی، سەرۆکێ حکۆمەتا هەرێما کوردستانێ هژمارەکا پرۆژێن نوو دێ ل سێملێ هێنە چێکرن و گوت، ئەڤڕۆ ب ئامادەبونا د.ئومێد سەباح، سەرۆکێ دیوانا سەرۆکاتیا جڤاتا وەزیران یا حکومەتا هەرێما کوردستانێ و د.عەلی تەتە، پارێزگارێ دهۆکێ و د.عەبدولحەکیم خسرو، سەرۆکێ فەرمانگەها دیڤچوون و هەماهەنگی یا حکومەتا هەرێما کوردستانێ دگەل دامودەزگەهێن حزبی و حکومی یێن قەزا سێمێلێ کۆمبوون و هژمارەکا بریارێن حکومەتا هەرێما کوردستانێ تایبەت ب قەزا سێمێلێ راگەهاندن دەرکرن.
زێدەتر گوت، ئەو پروژێن کو دێ هێنە چێکرن پێکدهێن ژ تەرخانکرنا کۆژمێ 38 ملیار دیناران بۆ پرۆژێن نوو و پێشڤەبرنا باژێرێ سێمێلێ و جادە و ئاڤوئاڤرێژان قەزا سێمێلێ، پلا کارگێریا سەرجەم فەرمانگەهێن قەزا سێمێلێ دێ هیتە بلندکرن، ڤەکرنا رێڤەبەریا کاروبارێن شەهیدان و ئەنفالکریان ل سێمێلێ، فەرمانگەها تۆمارکرنا خانوبەران ل سێمێلێ دێ هێتە ڤەکرن، ڤەکرنا رێڤەبەریا بەرەڤانیا باژێری ل سێمێلی. ڤەکرنا پشکێن ئەندازیاری، خۆیەتی، یاسایی ل قائیمقامیا سێمێلێ، پێشینێن رێڤەبەریێن سێمێلێ دێ هێنە زێدەکرن، دیسان ڤەکرنا رێڤەبەریا بەنداڤ و ئاڤرێژان ل سێمێلێ، ڤەکرنا رێڤەبەریا ڤیتەرنەری ل سێمێلێ. ڤەکرنا رێڤەبەریا ڤەگوهاستنێ ل سێمێلێ، دروستکرنا هۆلەکا وەرزشی یا گرتی و مەلەڤانگەهەک، دروستکرنا سێ بنگەهێن نوو یێن ساخلەمی، دروستکرنا بنگەهێ ئوتیزمێ ل سێمێلێ و دروستکرنا سێ بنگەهێن کۆمەلایەتی ل سێمێلێ
ژێشتر ژی حوکمەتا هەرێما کوردستانێ دچارچوڤا کابینا نەهێ دا جەندین پرۆژێن جودا ل سنورێ قەزا سێمێلێ دروستکرینە.