كورتە فیلمی (فڕینی بەرد) سەرجەم كارە هونەریيەكانی تەواو بووە و ئامادەی نمایش كردنە، ئەکتەری شۆخی کورد "کاردیناى سپى " یەکێکە لە پاڵەوانانی کورتە فیلمەکە.
(فڕینی بەرد) ناوی كورتە فیلمێكە كه سیناریۆ و دەرهێنانی لە لایەن سینەماكاری گەنج (هەردی حەسەن) بۆ كراوە، لە ئێستا دا سەرجەم كارە هونەرییەكانی تەواو بووە و ئامادەی نمایش كردنە.
فیلمەكە بە پاڵەوانیەتی (محەمەد شێروانی و كاردیناى سپى و سیروان گهلی) یە، لەگەڵ بەشداری هەریەك لە ئەكتەران (شاخەوان مستەفا و ئەحمەد مەحمود و مازی چین عەزیز)، جگە لەمە چەندین كۆمبارس تێیدا بەشدارن كە ژمارەیان نزیكەی (50) كەسە.