ئەم هەفتەیە كۆستا دەبێتەوە مەدریدی
سەرچاوە رۆژنامەوانییەكان ئاشكرایان كرد كە یانەی چێڵسیی ئینگلیزی ئەم هەفتەیە واژوو لەسەر فرۆشتنی دییگۆ كۆستای هێرشبەری تیپەكەی دەدات بۆ یانەی ئەتلەتیكۆ مەدریدی ئیسپانی.
رۆژنامەی (ماركا)ی ئیسپانی بڵاوی كردەوە: چاوەڕوان دەكرێ لەم هەفتەیەدا بەرپرسانی هەردوو یانەی چێڵسی و ئەتلەتیكۆ مەدرید رێككەوتنی كۆتایی لەسەر كۆستا بكەن و لە ماوەی گواستنەوەی زستانەی داهاتوودا ئەو هێرشبەرە بەفەرمی دەگەڕێتەوە خولی ئیسپانیا.
یانەی چێڵسی هەر لەم هەفتەیەدا سزاكانی سەر كۆستا هەڵدەگرێ و رێگەی پێ دەدات راستەوخۆ بگەڕێتەوە شاری مەدرید و خۆی بۆ یارییەكانی سەری ساڵی نوێ ئامادە بكات.
رۆژنامەكە ئاماژەی بەوەشدا چاوەڕوان دەكرێ نرخی كۆستا 60 ملیۆن یۆرۆ بێت و بەمەش دەبێتە گرانترین یاریزان لە مێژووی یانەی ئەتلەتیكۆ مەدرید.
جێی باسە یانەی ئەتلەتیكۆ مەدرید ناتوانێ تا سەری ساڵی نوێ یاریی بە كۆستا و هیچ یاریزانێكی نوێ بكات بەهۆی ئەو سزایانەی كە لەلایەن یەكەتیی تۆپی پێی ناودەوڵەتییەوە بەهۆی پێشێلكردنی یاساكان بەسەریدا سەپێنراوە.
وشە -
ئامانج ئه‌كره‌م