ئاماده‌كردنی چه‌ند ژه‌مێك بۆ منداڵی قوتابخانه‌


له‌گه‌ڵ كردنه‌وه‌ی قوتابخانه‌، دایكان له‌ هه‌موو ڕوویه‌كه‌وه‌ خۆیان له‌ منداڵه‌كانیان زیاتر ئاماده‌ ده‌كه‌ن، گرنگترین شتیش كه‌ پێویسته‌ ئاگاداری بن، ژه‌می خۆراكی ته‌ندرووسته‌ بۆ منداڵه‌كانیان.

ماڵپه‌ڕی "سه‌یده‌تی" ئه‌م چه‌ند جۆره‌ی ژه‌می خۆراكی ته‌ندروستی بۆ دایكان خستووه‌ته‌ ڕوو:

- پارچه‌ گۆشتی پێكه‌نیناوی: پارچه‌یه‌ك گۆشتی چوارگۆشه‌ بخه‌ سه‌ر نانێكی تۆست، به‌ بروكلی قژی بۆ دروست بكه‌، به‌ دوو پارچه‌ شلیك چاوی بۆ دانێ، برۆكانی به‌ سه‌وزه‌ و ده‌می به‌ په‌نیر بڕازێنه‌وه‌.
- پارووی زمان ده‌رهاتوو: پارچه‌یه‌ك تۆست به‌ سێگۆشه‌یی ببڕه‌، په‌نیر و كاهوو له‌ ناوه‌وه‌یدا دانێ، بۆ ڕووخساره‌كه‌ی نیو پارچه‌ ته‌ماته‌ ببڕه‌،  له‌گه‌ڵ خه‌یار، مه‌عده‌نووس و زه‌یتوون ڕووخساره‌كه‌ی دروست بكه‌ وه‌ك وێنه‌كه‌.
- به‌یانی ئایسكرێم: ئه‌م ژه‌مه‌ش له‌ چه‌ند پارچه‌یه‌ك كرێپی سێگۆشه‌ پێك دێت، به‌ پارچه‌ مۆزی خڕ شێوه‌ی ئایسكرێمه‌كه‌ی پێ ببه‌خشه‌، به‌ نوقڵی ڕه‌نگه‌وڕه‌نگ و قاوه‌ بیڕازێنه‌وه‌ وه‌ك وێنه‌كه‌.
- مانگا و هاوڕێ ورچه‌كه‌ی: وه‌ك وێنه‌كه‌، چه‌ن پارچه‌یه‌ك تۆست بۆ ڕووخساری مانگاكه‌، كرێپ بۆ ڕووخساری ورچه‌كه‌ به‌كار بێنه‌، به‌ مۆز، پرته‌قاڵ و شلیك، ده‌توانی ده‌م، لووت، چاو درووست بكه‌یت، توێكڵی پرته‌قاڵیش بۆ قژه‌كانیان.


وشە - ڕێناس شابان


PM:01:19:14/09/2017




ئه‌م بابه‌ته 286 جار خوێنراوه‌ته‌وه‌‌