وێنە.. هەشت كەس بەهۆی ڕووداوی هاتوچۆ بوونە قوربانی
دوای نیوەڕۆی ئەمڕۆ یەكشەم 15ی نیسان/ ئەپریڵا، لە سنووری شارۆكەی زاخۆی سەر بە پارێزگای دهۆك بەهۆی ڕووداوێكی هاتوچۆ هەشت كەس بوونە قوربانی و دوو كەس لەوانە گیانیان لەدەستداوە.
ئازاد تەها بەرپرسی راگەیاندنی بەرێوەبەرایەتی گشتیی هاتوچۆی دهۆك بە "وشە"ی راگەیاند، بەهۆی ڕووداوێكی هاتووچۆ لەسەر رێی گشتی نێوان "دێرەبوون و گرشین" دوو كەس گیانیان لەدەست دا و شەش كەسی تریش بریندار بوون.
زیاتر گوتی، ڕووداوەكە بەهۆی پێكدادانی دوو ئۆتۆمبێل بووە لە جۆری هوندا و نیسان و هۆكارەكەیشی دەگەڕێتەوە بۆ خێرا لێخووڕینی ئۆتۆمبێل و پابەندنەبوون بە رێنوێنییەكانی هاتوچۆ.
ئەوە لەكاتێكدایە كە لە ماوەی 24 سەعاتی رابردوودا سێ رووداوی هاتوچۆ لە سنووری پارێزگای دهۆك روویانداوە و لە ئەنجام دا سێ كەس گیانیان لەدەستداوە و هەشت كەسیش برینداربوون.
زاخۆ/ نەوزاد هلۆری
وشە -
سهرخێڵ هاشم