بارزان.. هاووڵاتییه‌ك 70 ساڵه‌ نانی جه‌ژن بۆ دانیشتووانی گونده‌كه‌ی ئاماده‌ ده‌كات


وه‌ك نه‌ریتێكی ساڵانه‌ی لێ هاتووه‌، ئه‌م هاووڵاتییه‌ له‌ گوندێكی سه‌ر به‌ ده‌ڤه‌ری بارزان، ماوه‌ی 70 ساڵه‌ نان بۆ ته‌واوی دانیشتووانی گونده‌كه‌ی ئاماده‌ ده‌كات و جه‌ژنه پیرۆزه‌یان لێ ده‌كات.

عارف محه‌مه‌د هاووڵاتییه‌كی گوندی باڵنده‌ی سه‌ر به‌ ده‌ڤه‌ری بارزانه‌، ماوه‌ی 70 ساڵه‌ باوكی و ئه‌میش خواردنی نانی جه‌ژن بۆ ته‌واوی دانیشتووانی گونده‌كه‌یان ئاماده‌ ده‌كه‌ن.

ئه‌و هاووڵاتییه‌ به‌ "وشه‌"ی گوت، كه‌ ئه‌مڕۆ خواردنی بۆ 400 تا 500 كه‌س ئاماده‌ كردووه‌، خواردنه‌كه‌ش بریتییه‌ له‌ نیسكێنه‌ و خواردنی قه‌لیه‌، كه‌ هه‌شت ساڵه‌ ئه‌و به‌رده‌وام به‌یانیانی جه‌ژن ئاماده‌ی ده‌كات، و بڕیاری داوه‌ به‌رده‌وام بێت له‌سه‌ری.


ئه‌و هاووڵاتییه‌، بێجگه‌ له‌ خێر ئه‌و خواردنه‌ بو په‌ره‌پێدانی پێوه‌ندییه‌ كومه‌ڵاتییه‌كانی گوند دروست ده‌كات.




وشە - ڕێناس شابان


AM:09:34:15/06/2018




ئه‌م بابه‌ته 8971 جار خوێنراوه‌ته‌وه‌‌