هەموو ساڵێك لەم كاتانە بەرهەمی فڕاولە لە شارەكانی رۆژهەڵاتی كوردستان پێ دەگات و هەرچەندە تەمەنی ئەو جۆرە میوەیە كورتە، بەڵام داهاتێكی باشی هەیە و هەلی كاریش دابین دەكات.
سەڵاحەدین حەق بەرێوەبەری كشتوكاڵی سەردەشت ئاشكرای كرد، ئەمساڵ زیاتر لە 100 دۆنم لە زەوی كشتوكاڵی كراوەتە فڕاولە و چنینەوەی ئەم میوەیەش دەستی پێ كردووە.
ئەو سەردەشتی بە جەمسەرێكی گرنگی بەرهەمهێنانی فڕاولە لە رۆژهەڵاتی كوردستان هەژمار كردووە و گوتی ساڵانە سەرووی 250 تۆن لەم بەرهەمە دەخرێتە بازاڕەكانەوە.
بەگوێرەی "
ئیرنا" ئەو باسی لەوەش كردووە كە هەلی كار بۆ دوو هەزار و 300 كەس دابین كراوە و بەشی زۆری بەرهەمەكەش بۆ شارەكانی تری رۆژهەڵاتی كوردستان هەناردە دەكرێت.
پێویستە بگوترێت هەر دۆنمێك زەوی نزیكەی دوو تۆن فڕاولەی لێ بەرهەم دەهێنرێت و لەو كاتەوە بەرهەمەكە پێ دەگات تا كۆتایی وەرزی چنینەوەی میوەكە دوو هەفتە دەخایەنێت.
خواردنی فڕاولە بۆ تەندروستی مرۆڤ گرینگە و دەگوترێت رێگری لە پیربوونی مێشك دەكات