سەرۆک مەسعوود بارزانی و محەمەد حەلبووسی سەرۆکی
پەرلەمانی عێراق کۆ بوونەوە و لەو کۆبوونەوەیەدا پێوەندییەكانی هەولێر و بەغدا
تاوتوێ كرا.
ڕۆژی پێنجشەم 19ی ئەیلوول، پێگەی فەرمی سەرۆک
بارزانی بڵاوی کردووەتەوە، لە سەلاحەددین سەرۆك مەسعوود بارزانی پێشوازی لە محەمەد حەلبووسی سەرۆكی ئەنجوومەنی نوێنەرانی عێراق و شاندێكی یاوەری كرد.
زیاتر روون کراوەتەوە، لە دیدارەكەدا كە هێمن هەورامی
جێگری سەرۆكی پارلەمانی كوردستان ئامادەی بوو، بارودۆخی سیاسیی عێراق و ناوچەكە و
پێوەندییەكانی هەولێر و بەغدا تاوتوێ كرا.
"هەر لەو دیدارەدا دووپات
لە سوودوەرگرتن لەو ئاراستە و كەشە ئیجابییە كرایەوە كە لە پێوەندییەكانی نێوان هەولێر
و بەغدا هاتووەتە ئاراوە، ئەویش لە پێناو چارەسەركردنی بنەڕەتیی كێشە و گرفتەكانی
نێوان هەولێر و بەغدا و لەژێر ڕۆشنایی دەستووری عێراقدا، بۆ ئەو مەبەستەیش پێداگری
لە بەردەوامیی پێوەندیی و ڕاوێژی هەردوولا كرایەوە" لە هەواڵەکەدا وا نووسراوە.
ئەمڕۆ محەمەد حەلبووسی سەرۆکی ئەنجوومەنی
نوێنەرانی عێراق بە سەردانێکی راگەیەندراو گەیشتە هەولێر و لەگەڵ سەرۆکی پەرلەمانی
کوردستان کۆبوویەوە.